آن لائن دار الافتاء ( هډه وال ويب )‏

هډاوال ويب غواړي چي ستاسي اسلامي اندیښني تقویه کړي. اوستاسومسائل ته د قرآن اوسنت په رڼا کښی جوابونه ورکړې او د سپیڅلي دین اسلام په چوکاټ کښي تاسي ته خوږي قصي ، د زده کړي وړ لیکنی اومضامین ، عام معلومات ، په زړه پوري ټوکي ټکالي او جالبه او ښائسته مطالب وړاندي کړي.. https://www.facebook.com/pashto.islamic.mp3.bayanat

Thursday, March 1, 2012

رشوت په ټولنه کې عظيم فساد او ستره تباهي ده

رشوت په يوه ټولنه کې عظيم فساد او لويه تباهي ده ځکه د رشوت په وجه د الله جل جلا له احکام ضايع او د بندګانو حقوق تر پښو لاندې کيږي د رشوت په وجه حق باطل ګرځي ، د رشوت په وجه سپين تور او تور سپين ګرځول کيږي .

په قرآنکريم کې رشوت ته باطل ويل شوی دی

قوله تعالی : وَلا تَأْكُلُوا أَمْوَالَكُمْ بَيْنَكُمْ بِالْبَاطِلِ وَتُدْلُوا بِهَا إِلَى الْحُكَّامِ لِتَأْكُلُوا فَرِيقاً مِنْ أَمْوَالِ النَّاسِ بِالْأِثْمِ وَأَنْتُمْ تَعْلَمُونَ (البقره ۱۸۸ ) .

ژباړه : او پخپلو منځو کې خپل مالونه په نا حقه سره مه خورئ په دې ډول چې هغه حاکمانو ته د رشوت په توګه ورکړئ څو په دې توګه د خلکو له مالونو يوه برخه په ناحقه سره وخورئ په داسې حال کې چې پوهيږئ (هم ) .

الله جل جلا له د يهودو په مذمت کې فرمايي :

سَمَّاعُونَ لِلْكَذِبِ أَكَّالُونَ لِلسُّحْتِ فَإِن جَآؤُوكَ فَاحْكُم بَيْنَهُم أَوْ أَعْرِضْ عَنْهُمْ وَإِن تُعْرِضْ عَنْهُمْ فَلَن يَضُرُّوكَ شَيْئًا وَإِنْ حَكَمْتَ فَاحْكُم بَيْنَهُمْ بِالْقِسْطِ إِنَّ اللّهَ يُحِبُّ الْمُقْسِطِينَ (المائده ۴۲ ) .

ژباړه : دوی د درواغو اوريدونکي او حرام خواره دي . نو که تا ته راغلل د دوی تر مينځ پرېکړه وکړه يا له دوی څخه مخ وګرځوه او که له دوی څخه مخ و ګرځوې نو تا ته به هيڅ زيان و نه رسوي . او که پرېکړه دې کوله نو د دوی تر مينځ په عدل پرېکړه وکړه . بې شکه چې الله جل جلا له عدل کوونکي خوښوي .

د السحت تفسير عبدالله ابن مسعود رضی الله عنه الله عنه په رشوت سره کړی دی .

د رشوت د عظيم فساد په اړه رسول الله صلی الله عليه وسلم فرمايي :

لعن رسول الله صلى الله عليه وسلم الراشي والمرتشي ( مسند احمد ۴۷/۱۱ او سنن الترمذي ۱۳۳۷ ) .

يعنې رسول الله صلی الله عليه وسلم په رشوت اخيستونکي او ورکونکي لعنت فرمايلی دی .

د رسول الله صلی الله عليه وسلم لعنت د ښيرا په معنی دی يعني څوک چې رشوت اخلي هغوی دې د الله جل جلا له د رحمت څخه لرې او محروم وي .

همدارنګه فرمايي : الراشي والمرتشي في النار ( الترغيب و الترهيب ۱۹۴/۳ ) .

يعنې : رشوت اخيستونکی او ورکونکی به دواړه په دوزخ کې وي .

په بل روايت کې راغلي : لا يدخل الجنة جسد غزى من حرام (السلسلة الصحيحة ۲۶۰۹ ).

جنت ته به داخل نه شي هغه بدن کوم چې په حرامو تغزيه شوی وي .

خو له بدمرغه دغه عظيم فساد زمونږ په ټولنه کې اوج ته رسيدلی ، پخوا به هم ځنو ضعيف الايمانه دا عمل تر سره کولو خو دې کله نه چې د افغان مظلوم ولس د نړيوال کفري حشر لخوا ونيول شو او واک يې داسې کسان ته وسپارلو چې هغوی نه دين او نه هيواد وفادار دي (ځکه د استعمار فورمول همدا دی چې واک به همداسې کسانو ته سپارې که داسې و نه کړي د دوی شوم اهداف نه شي تر سره کيدلای ) نو په ټولنه کې فساد او فجورو زور واخيست .

ټولو منافق صفته انسانانو ته ددې پوره شرايط برابر شول چې څه غواړي هغه وکړي ، د سود او قمار بانکونه جوړ شول او په علني ډول خلک سود ته ور بولي ، د فحشاء د خورولو د پاره فاحشه مديا په کار واچول شوه ، په لس ګونو تلويزيونونه ، راديوګانې ، ويبپانې او داسې نور په علني ډول د اسلام پر ضد خپروني او تبليغات کوي ، د بې شرمه او فاحشې موسيقي تعليماتي مراکز جوړ شول او تر ټولو عظيم فساد د رشوت عام کيدل دي .

رشوت دومره عظيم فساد دی چې تولنه له تباهی سره مخ کوي د ټولنې اساسات له مينځه وړي د ټولنې بيت المال او هستي هر څه تبا کوي .

رشوتخور هغه پست او ذليل سوالګر دی چه سره له دې چه الله ^ج^{ل جلا له} ده ته لوی مقام ورکړی وي خو په دومره لوړ مقام کې به بياهم هغه يو سپک او ذليل سوالګر وي .

دغه مقام بيا هيڅ وخت هم په خپله اداره کې د فساد مخ نشي نيولای ځکه چه بيا د ده خپل د مردارو ډک کچکول افشاه کيږي

دغه ذليل عمل اوس دومره ډير شوی چه اوسنۍ حکومت خو د افغانستان په ټول تاريخ کې په فساد او رشوت خوری کې لومړی مقام لري بيان ته يې هيڅ حاجت نشته ځکه چه پدی باندی د نموړی اداری چارواکې هم قانع دي .

الله جل جلا له دې زمونږ پر حال ورحميږي

آن لاين اسلامې لارښود

ستاسومسائل اود قرآن اوسنت په رڼا کښی دهغی جوابونه

آن لائن دار الافتاء ( هډه وال ويب )‏

Search This Blog

Labels

Thursday, March 1, 2012

رشوت په ټولنه کې عظيم فساد او ستره تباهي ده

No comments:

Post a Comment

البرامج التالية لتصفح أفضل

This Programs for better View

Contact Form

د هډه وال وېب , میلمانه

پیغام ورود و خروج

Daily Dars e Quran with Easy pashto translation word by word.