آن لائن دار الافتاء ( هډه وال ويب )‏

هډاوال ويب غواړي چي ستاسي اسلامي اندیښني تقویه کړي. اوستاسومسائل ته د قرآن اوسنت په رڼا کښی جوابونه ورکړې او د سپیڅلي دین اسلام په چوکاټ کښي تاسي ته خوږي قصي ، د زده کړي وړ لیکنی اومضامین ، عام معلومات ، په زړه پوري ټوکي ټکالي او جالبه او ښائسته مطالب وړاندي کړي.. https://www.facebook.com/pashto.islamic.mp3.bayanat

Wednesday, June 13, 2012

د سکس sexy فلمونو کتل څه حکم لري ؟

{2}
یوازینی ویب پانه چی په دیره لویه کچه اسلامی مظامین پکی خپریگی یو خواست بل هم لرمه چی پدی برخه کی په لویه اندازه مطالب خپاره کری دیر به خه وی

**************************

په کابل کی زوانان چی ما ته معلوم دی په 100 کی 90 فیصده سیکس یعنی لوس فیلمونه گوری تاسو خه پوهیگی باید سه شی د دی لپاره وشی هیله ده زما نظر پت وساتل شی دیره دیره مننه

ستاسو یو لینک راولیگی چی ما سره بعضی گروپونه دی چی تقریب 30 زره کسان پکی دی چی ستاسو د ویب په اره ورسره بحث وکرم تر سو خلک ترینه گته واخلی

مننه ستاسو کشر ورور محب احمدزی

{1}

سلام واحترام بمقام محترم شما

بعد از سلام یک سوال داریم از مقام محترم شما خواهشمندیم که از نظر شریعت برای ما مفصلا توضیح نمائید.

سوال: دیدن فلم ها و عکس های سیکسی یا سپر از نظر اسلام ما هم می فهمیم که حرام است ولی بعضی مردم از این نوع فلم های مضغرب و بی تربیه باز هم دیدن مینمایند خواهشمندیم که اثرات دنیوی و اخروی این رقم اعمال مفلا برای ما تشریح دهید و اثرات که تاثیرات بد سر ذهن و یا قوه فزیکی انسان دارد هم مفصلا معلومات دهید لطف تان باشد.با احترام

الف م د کابل

{1}

سوال: زما سوال دا ووه چه ایا سکس لیدل جواز لری که نه اوکه یی لری دده د شریعت په رنا که جواب راکری . ستاسو د چواب په هیله – حبيب ګل

ځواب

بسم الله الرحمن الرحيم

د نن عصر فاحش ، بې دينه او سکس فلمونه ، او تصويرونه ليدل حرام او د کبيره ګناهونو مجموعه ده.

الله تعالی فرمايي : (قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يصنعون* وقل للمؤمنات يغضضن من أبصارهن ويحفظن فروجهن…) [النور: 30/31]

ژباړه : او ووايه (ای رسوله !) مؤمنانو ته چې خپل نظر په خپل واک کې وساتي او د خپلو شرم ځايونو ساتنه وکړي ، دا د هغوی د پاره ډيره پاکه کړنلاره ده ، هغوی چې څه کوي الله پرې خبريږي .

او ووايه ( ای رسوله ! ) مؤمنو ښځو ته چې خپلې سترګې پخپل واک کې وساتي او د خپلو شرم ځايونو ساتنه وکړي .

د بيګانه څخه د سترګو نظر ساتل او د شرمګاه حفاظت له حرامو څخه او همدارنګه د خپل عورت پټول فرض دي همدارنګه د بل عورت ته کتل حرام دي .

رسول الله صَلَّى اللَّهُ عَلَيْهِ وَآلِهِ وَسَلَّمَ وفرمايل:« احْفَظْ عَوْرَتَكَ إِلَّا مِنْ زَوْجَتِكَ أَوْ مَا مَلَكَتْ يَمِينُكَ» ⁽ احمد (5/4،3)، او ابوداود (4017) او ترمذی (2769) .

(شرمګاه دې له ټولو پټه ساته پرته له خپلې ښځې او وينځې ).

بل حديث شريف کې راځي : فزنا العين النظر (الراوي ابوهريره – البخاري 6243)

(د سترګو زنا بيګانه ته کتل دي ).

ځنې کسان چې ځانونه عصري او روشن فکره بولې د کفارو ، منافقانو جوړ کړي فلمونه ، سريالونه عبرت بولي او وايي په دې فلمونو کې د کورني ژوند ، تجارت او نور په اړه عبرتناکې خپروني شته .

آيا د هغه چا د پاره چې په قرآن او اسلامې شريعت ايمان لري دا ښايي چې د اسلامې شريعت هر اړخيز کورنی نظام ، د کور داخلي او خارجي طرزالعمل ، هر اړخيز او کامل تجارتي نظام پرېږدي او د داسې چا څخه کورنی نظام زده کوي چې هغوی په اوس عصر کې هم د خوسي او بت عبادت کوي او کورنی نظام يې بالکل مختلط او اشتراکي وي .

د مسلمانان په اوسني حال ډير افسوس دی : انا لله و انا اليه راجعون

رسول الله صلی الله عليه وسلم رښتیا ويلي دي او په دې اړه يې مخکې وړانديز کړی دی :

لَتَتَّبِعُنَّ سَنَنَ مَن كانَ قَبلَكُم شِبراً شِبراً وَ ذِراعاً بِذِراعٍ؛ حتّي لَو دَخَلُوا جُحرَ ضَبِّ تَبِعتُمُوهُم. قُلنا: يا رَسُولَ اللهِ. اليَهُودُ وَ النَّصاري؟ قالَ: فَمَن؟!» (البخاري ) .

ژباړه : حتماً به دوی د هغوی لاره چې مخکې له تاسو ؤ (اهل کتاب ،يهود او نصارا) لويشت په لويشت او ګز په ګز تعقيب کړي تر دې چې که د کربوړې په غار ننوځي دوی به د هغوی څخه پيروي کوئ ، ومې ويل: ای رسول الله صلی الله عليه وسلم : هدف مو يهود او نصار دي ؟ ويې فرمايل نو څوک دي ؟

يعنې مسلمانان به د يهودو او نصاراؤ اخلاق ، طرزالعمل ، عادات او کلتور څخه لويشت په لويشت او کز په کز تقليد وکړي او د هغوی په مثل به ځان جوړوي .

د دغو شيطاني فلمونو په کتلو کې لاندې ضرورونه موجود دي :

۱- د اسلامې شريعت خلاف حيواني طريقه سره جماع کولو ته تشويق لکه : د ښځې سره لواطت ، د شرمګا څټل ، د حيا نه ساتل او نور قبيح اعمال ،چې لواطت کار معلون دی ، د شرمګا څټلو عادت د کافر قوم او حيواناتو کار دی .

۲- د پرديو ښځو طرف ته متوجه کيدل ، هغوی ته د نظر کولو ، ارتباطاتو جوړولو ، او د زنا اسبابو د نږيوالی اشتيا پیدا کيدل يعنې فکر د بل ناموس ته متوجه کوي .

۳- د زړه کلکوالی ، په عباداتو کې سستي کول ، د اسلامې شعائرو څخه کرکه او نفرت پيدا کيدل ، د ګناه او حرامو حوس کول .

۴- د خپل قيمتي او څو ورځې ژوند ضایع او بربادول .

۵- د يوې بې حيا شهوت پرسته کورنی تشکيل ، د اهل عيال د ديني تربيې کمزورتيا او د شهواني خيالونو قوت ، د کورنۍ د مسئولينو (د والدينو او خاوند) پر وړاندې بې احترامي او بغاوت .

۶- د خپل کور څخه شيطاني اډه جوړول ځکه په کوم کور چې موسیقي ، فلمونه و غيره وي هغه کور ته شيطان ننوځي او داسې کورونو ته ملائکې نه ننوځي .

۷- خپل ځان د ګناهونو درياب ته غوځول ځکه فلمونه او سريالونه د ګناهونو مجموعه ده تفصيل دلته وګورئ .

۸- فقط د شهواني خيالونو پالنه او روزنه او په دې کې د خپل فکر مشغول ساتل ، د الله تعالی د ذکر او ياد څخه عفلت اخيارول .
و الله سبحانه و تعالی اعلم

آن لاين اسلامې لارښود