آن لائن دار الافتاء ( هډه وال ويب )‏

هډاوال ويب غواړي چي ستاسي اسلامي اندیښني تقویه کړي. اوستاسومسائل ته د قرآن اوسنت په رڼا کښی جوابونه ورکړې او د سپیڅلي دین اسلام په چوکاټ کښي تاسي ته خوږي قصي ، د زده کړي وړ لیکنی اومضامین ، عام معلومات ، په زړه پوري ټوکي ټکالي او جالبه او ښائسته مطالب وړاندي کړي.. https://www.facebook.com/pashto.islamic.mp3.bayanat

Sunday, September 25, 2011

د منډې په وخت دتشو درد

د منډې په وخت دتشو درد

د ډاکټرسباوون ځواب

Friday, 05.06.2011, 08:14pm (GMT)

سلامونه او نیکی هیلی

زرغون همدرد یم له ننگرهار ځخه

محترم داکتر صاحب ستاسو د نیکو مشورو سخه دیره مننه چی خپلو هیوادوالو ته یی ورکوی

داکتر صاحب زما وزن زیات شوی مخکی تاسو راته یوه مشوره راکری وه چی منډه ووهی خو اوس زه یو

مشکل لرم هغه دا چی کله زه منده وهم نو زما په چپ ارخ کی یو درد پیدا کیژی داکتر ته هم لارم خو کومه نتیجه یی ورنه کړه مهربانی وکړی پدی باره کی که ځه معلومات راکړی

دیره مننه

زرغون همدرد

ځواب :

یوه بخشنه :

قدرمنو لوستونکو له څو ورځو مصرفیتونو وروسته ددغه ورور پوښتنه ځوابوم که د ځینو نورو ملګروپوښتنې هم لږ ځنډیدلې وي نو هیله ده په خپلې بزرګوارسره ما وبخشئ رابه شو دپوښتنې ځواب ته :

دغه درد چې تاسو پرې اخته شوي یاست د اندیښنې خبره نه ده او د حجاب حاجز یا ډیافرګم په عضلې کې د سپزم له امله پيدا کیږي ډیافرګم هغه پرده ده چې نس له سینې بیلوي او دسا اخیستلو په کنټرول کې رول لوبوي کله چې په منډه یا بل سخت سپورټ کې چې پیښې حرکت کوي دنس په عضلاتو فشار راځي دغه فشار ددې سبب کیږي چې دنس عضلې ډیافرګم پورته لورته کش کاندي پردې سربیره کله چې سړی منډې وهي یا بل سخت سپورت کوي سږي هم انبساط کوي او په دې ډول ډیافرګم ښکته لور ته هم ټیل وهل کیږي دغه دوه اړخیزه فشار ددې سبب کیږي چې له ډیافرګمه وینه کمه شي او دغه عضلې دوینې له کمښت سره مخامخیږي کله چې په یوې عضلې کې اکسیجن کم شي له سپزم سره مخامخیږي او دغه سپزم د درد سبب کیږي البته معده هم ممکنه ده دغه درددونه سخت کړي که له سپورټ کولو مخکې معده ډکه وي پر ډیافرګم فشار راځي او په دې ډول د تشو د درد سبب کیږي هغه خواړه چې ژر نه هضمیږي او غوړ خواړه هم دغه دردونه زیاتوي .له سپورټ کولو مخکې غوړ مه خورئ سره کړې غوښه کمه کړئ هغه شیدې او مستې چې ډیر غوړ لري له سپورت کولو مخکې مه خورئ کله ناکله په ژورې ساه اخیستو سره ډیافرګم ښکته لور ته بیایئ دغه چاره ددې سبب کیږي چې ډیافرګم مو مذبوت شي .

خو کله چې په دې درد اخته شوئ څه وکړئ چې هم سپورت وکړئ او هم درد ونه لرئ ؟ تر هرڅه وړاندې خپل سرعت کم کړئ او ژوره ساخ واخلئ دغه راز کله چې منډې وهئ لاسونه پورته کړئ او له سره ېې پورته ونیسئ او بیا ژوره ساه واخلئ کله چې لاسونه بیرته ښکته کوئ لږ کړوپ شئ او خپله ساه بیرته له سږو وباسئ .

ددې لپاره چې په دې درد اخته نه شئ غوره ده په کراره ورزش پيل کړئ او ورو ورو ېې سخت او ګړندی کړئ دغه راز له ډوډۍ کابو درې ساعته وروسته سپورټ پیل کړئ کله چې درد پيدا شو لږ دمه وکړئ او ژوره ساه واخلئ که له سپورټ کولو مخکې ډوډۍ ته اړتیا لرئ داسې خواړه وخورئ چې سپک وي دغه راز هغه ټکی چې درد کوي لږ ېې ټینګ ونیسئ دغه ټکی ترپښتویو لاندې په ښي اړخ کې وي له هغه وروسته شونډې حلقه کړئ او ژوره ساه واخلئ په دې ډول به درد کم او ورک شي ځکه چې پر ډیافرګم فشار کموي داسې سپورت وکړئ چې دنس عضلې ورسره مذبوتې شي کله چې د نس عضلې مذبوتیږي دغه چاره ددې سبب کیږي چې پر ډیافرګم فشار کم شي .

هغه کسان چې نوي سپورټ پيلوي ممکنه ده ډیر په دې ستونزې اخته شي علت ېې هم دا وي چې دوي ژر ژر ساه اخلي او ژوره ساه نه شي اخیستلی دغه چاره په دې ډول عضلاتو ته کم اکسیجن ورسیږي پردې سربیره په دغو کسانو ممکنه ده دنس عضلې مذبوتې نه وي او په دې ډول پر ډیافرګم هم ډیر فشار راځي او دسخت درد سبب کیږي کله ناکله دغه درد تر ولیو پورې هم رسیداي شي خو ځینې وخت ممکنه ده دزړه له درد سره ورته وي او ممکنه ده په تشخیص کې ېې ستونزه پيښه کړي په تیره بیا دا چې که له استراحت کولو وروسته هم درد دوام وکړي حتماً باید معاینات ترسره کړئ

یو بل احتمال هم دا دی چې ممکنه ده کولمو ته مو وینه ښه نه رسیږي کله چې درد دوام وکړي او په هرځل سپورټ کولو کې درد موجود وي نو ممکنه ده وینه کولمو ته ونه رسیږي نو ښه به دا وي چې یو ځل ډاکټر ته هم ورشئ .

ډاکټر سباوون منبع : تاند

ستاسومسائل اود قرآن اوسنت په رڼا کښی دهغی جوابونه

آن لائن دار الافتاء ( هډه وال ويب )‏

Search This Blog

Labels

Sunday, September 25, 2011

د منډې په وخت دتشو درد

No comments:

Post a Comment

البرامج التالية لتصفح أفضل

This Programs for better View

Contact Form

د هډه وال وېب , میلمانه

پیغام ورود و خروج

Daily Dars e Quran with Easy pashto translation word by word.