آن لائن دار الافتاء ( هډه وال ويب )‏

هډاوال ويب غواړي چي ستاسي اسلامي اندیښني تقویه کړي. اوستاسومسائل ته د قرآن اوسنت په رڼا کښی جوابونه ورکړې او د سپیڅلي دین اسلام په چوکاټ کښي تاسي ته خوږي قصي ، د زده کړي وړ لیکنی اومضامین ، عام معلومات ، په زړه پوري ټوکي ټکالي او جالبه او ښائسته مطالب وړاندي کړي.. https://www.facebook.com/pashto.islamic.mp3.bayanat

Wednesday, April 11, 2012

دمعتصم په زمانه کې ظلم اوامام احمدبن حنبل رحمه الله عليه

د دريمې پيړۍ پيل شوې ؤ د دوهمې پيړۍ په اتمه لسيزه کې دهارون الرشيد په ژوندکې چيف جسټس ( قاضى القضاة ) امام ابويوسف وفات شوې ؤ ،دهارون الرشيد دتخت د سمباولوواله امين الرشيد يوازى د پنځه کلونو وروسته ومړ ،دامين پرځآى دهغه وړوکى ورورمامون الرشيد دخلافت عباسيه اوم بآدشاه ؤ چې پرتخت کيناست ، د ٨١٣ ع کال څخه تر ٨٣٣ ع کال پورې خلافت وځليد اوډيرښه پرمختګ يې وکړ ، پدهمدغه وخت کې د مذهبى بحثونوپيل وشو او معتزله او جهميه ډلو ډيرپرمختګ وکړ ، دمامون پرتخت کيناستلو څخه ٦ کاله وروسته امام شافعى رحمه االله تعالى عنه وفات شو، چې پرځاى دعلم فقي پرځاى ناستې بآندې امام احمدبن حنبل رحمه االله تعالى عنه کيناستلو ، لدې څه موده وروسته مامون الرشيد په وقفې ، وقفې سره د خلافت اسلاميه ټولو واليانوته درى خطونه ليږل پيل کړه ، چې پکې ليکل شوې ؤ چې قران کريم مخلوق دى او ددې عقيدي چې څوک مخالفت وکړې هغه وګړې ناقص ، ګواهې يې هم نه قبليږي ، ورباندې اعتبار نه شې کيدلې ، اوددې امت شريان دى لدې امله دهغه حکومتي ملازمانو ، قاضيانو ،علماء کرامو ، ليکوالانو او کومو شنونکو چې ديادې عقيدې سره اختلاف درلود هغوې له دندو څخه منفک او لري شول ، دخليفه دفرمان وروسته کوموخلکو چې قران يې دالله ج کتاب دمخلوق ګڼلو پرځاى هغه ته کلام الله ويل ووژل شو، مامون الرشيد په طوس ښارکې ناست اوپربغداد يې خپله توجو مرکوزه کړي وه ، هغه دبغداد والې اسحاق بن ابراهيم ته کوم دريم خط ليکلې ؤ دهغې نقلونه ټولوواليانو ته ليږل شوې ؤ په يادفرمان کې ټولو حکومتې کارکونکو ، لوړپوړو چارواکو اود قاضيانو دخولې بيانونه اخيستل او ځوابونه يې خليفه ته د ورليږلو لارښونه شوى وه ، خليفه دوه علماء کرام بشربن الوليد او د ابراهيم بن المهدى دوژلو حکم کړې ؤ اودغه علماکرام وژل شوي ؤ اوس دخليفه فرمان ؤ چې دپاتې نور خلک هم په ياده عقيده بآندې مجبورشې چې قران کريم ته دکلام الله پرځاى مخلوق وويل شې اوڅوک چې په خپله راى باندې ولاړوى دهغوې په لاسونوکې اوخپوکې رنځيرونه واچوى اود خليفه مخې ته يې راولې ، په ټول خلافت اسلاميه کې دامام احمد بن حنبل رحمه االله تعالى عنه په ګډون ١٩ علماء کراموپه لاسونوکې زلونى اوپه خپوکې بيړۍ واچول شوې اود طوس ښآرطرف ته روان کړاى شو خليفه د ملامته يادو قيديانو قافله چې کله د الرقه ځاى ته ورسيدل نوپردغه مهال دخليفه مامون د مرګ خبر ورته ورسيده ، دمامون يوبل ورور معتصم دهغه پرځاى خليفه وټاکل شو خليفه بدل شو مګر دخلق قران کريم مسئله دياد هيواد دچارواکو عقيده او نظريه پرخپل ځاى باندې پاتى وه ، اوس نوي خليفه اودهغه قاضى القضاة ابن ابى داود پر وړاندې امام احمدبن حنبل يوازى پاتې شو ، نوى خليفه چې په تخت کيناسته نوسملاسې دامام احمدبن حنبل رحمه االله تعالى عنه بيرته د بغداد ښارته وغوښتل شو ، د الرقه څخه بيرته د تللو پرمهال د باب البستان ځاى کې امام احمدبن حنبل رحمه االله تعالى عنه ته سورلۍ واوستل شوه ، اودهغه په خپومبارکوکې درانه زنځيرونه پراته ؤ هغه وويل شو چې بى له کوم چا د مرستې پرته په خپوکې د پرتودرنوبيړيو سره خپلى سورلۍ ته اوچت شې ، امام احمدبن حنبل رحمه االله تعالى عنه سورلۍ ته د ورختلو په کوښښ کې څو وارى د پرمخې غورځيدو څخه خپل ځان وژغوره اوپه پاى کې سورلۍ ته اوچت شو ، اونېمه شپه بغداد ته ورسيدل ، هغه دخليفه په محل کې يوه تنګه ، توره کوټه کې قيد کړاى شو ، په کوم ځاى کې چې هغه ته دهواء د ورتګ هم ناشونې ؤ په ياد ځاى کې امام رحمه االله تعالى عنه په لاسونوکې زلونى اوپه خپوکې بيړيوسره دصبا دراختلو انتظار کوى په سبا ورځ هغه د خليفه په دربار کې وړاندې کړاى شو دخليفه يوخواته د قاضى القضاة ابن ابى داود چوکى کيښودل شوې وه دهغې په خواکې د د وزير او مشاورينو نورى چوکى هم ايښودل شوې وي ، داد خليفه معصتم دربارؤ ؟

يادقاضى القضاة محکمه وه ؟ ياپه بغداد کې دايتنهز ،روم اوياپه قاهره کې دشاهانو د محکمومنظره وه ؟ هرڅه د امام احمدبن حنبل رحمه االله تعالى عنه پروړاندې ؤ خليفه د امام احمدبن حنبل رحمه االله تعالى عنه دويره ولو لپاره دهغه پروړاندې دوه تنه ووژل ، پدغه محکمه کې قانون ، اخلاق ، اجماع ، قياس ، استنباط استخراج اواجتهاد هرڅه د خليفه معصتم اود هغه د قاضى القضاة په واک کې ؤ ، مدعې و استغاثه ،وکيل ،عدل ،محکمه ،منصف اوقانون يوخوا او يوازى ٥٤ کلن امام احمدبن حنبل رحمه االله تعالى عنه بل خوا ...... امام احمدبن حنبل رحمه االله تعالى عنه دخپل موقف پرخلاف دالله دکتاب اودهغه درسول کريم صل الله عليه وسلم يوازى د يو واضحه دليل غوښتنه کوې .... مګر خلافت ،دوخت په محکموکې ضدکونکو اودرباريانو يوازى پر ضد سره په خپل موقف صحې ګڼه اوپرخپل ضد،عناد ولاړؤ خليفه دامام احمدبن حنبل په دلائيلو اوريدو سره لږنرم شو ،مګر قاضى القضاة هغه په ضداو عناد کې راوستلو ورته وويل چې خلک به څه وايې چې معتصم دخپل ورور اود مخکنې خليفه اميرالمؤمنين هارون الرشيد د مسلک څخه واوښتى تردرى ورځوپورې محکمه روانه وه ، په محکمه کې دروڼ او قاطعو دلا ئيلو پرځاى بآندې د فلسفيانو دخبرو قيصې بيانيدلې .

امام احمدبن حنبل رحمه االله تعالى عنه وايې چې په دريمه ورځ مايوه جامه راوغوښته اوهغه مې دخپلو پرتو بيړيو څخه لاندې واغوستله که چيرته سخت وخت راشې او عورت مي ښکاره نه شې ، په دريمه ورځ چې امام صاحب رحمه االله تعالى عنه دربار ته راوستل کيده نوپه لاره کې دځينې خلک د تورو سره ولاړ ؤ دچاپه لاسونوکې کوړى وي اود خليفه دربار له خلکوڅخه ډک ؤ مګر په دربارکې نوى خلک ډير ؤ په تيرو دوه ورځوکې دامام صاحب د دلائيلو اوريدونکو وګړو څخه ډير کم خلک دربار ته پريخودل شول ، امام احمدبن حنبل رحمه االله تعالى عنه ليکې چې زما اواز په ټولو خلکوبآندې غټ ؤ مناظره کونکو بحثونه کول او امام احمدبن حنبل رحمه االله تعالى عنه يوازى يو واضح قرانې او ياهم د حديثوپه رڼاکې يودليل غوښته ، خليفه معصتم يوځل بيا نرم شو چې په هغې سره يو وار بيا ابن ابى داود معتصم په غيرت او عناد کې راوست اوترى وى پوښتل آيا ته دمامون دمسلک څخه وروسته کيږي ، چې په اوردو سره خليفه معتصم ډيرغوصه شو اود خولې څخه يې داسې ټکي ووتل ، هغه ونيسئ ، رايښکئ ، او دهغه لاس را اباسئ خليفه پدي ويلو سره پخپله چوکۍ کېناست ، لدې وروسته د کوړى ورکولو واله راوغوښتل شو ، يوتن به په ډير زور سره امام احمد رحمه االله تعالى عنه ته دوه کوړى ورکولې اوپرځاى به يې بل د کوړى وهلو واله راته ، دهرى کوړى وهلو سره وروسته به خليفه دامام احمدبن حنبل رحمه االله تعالى عنه څخه د دخلق قران دعقيدي په اړه پوښتنه کوله اومام صاحب رحمه االله تعالى عنه به دالله دکتاب اود حديث يوازى يودليل غوښتنه کوله ، دهغې په ځواب کې به خليفه جلاد ته امرکوه چې په ټول طاقت ورته کوړى ورکړه ، پردغه مهال امام احمد بن حنبل رحمه االله تعالى عنه بيښوده شو، په دغه حالت کې يې هغه په پړمخې وغورځاوه اوپه ډيره بى رحمۍ سره يې په خپوباندې ومږه ( په خپوورباندې وخښل ) .

محمدبن اسماعيل وايې چې امام احمد بن حنبل ته داسې کوړې ورکړې شوې که هغه کوړې فيلانوته هم ورکړاى شوې وايى نوهغې به بغارې کړى واى ، په کومه ورځ چې امام احمدبن حنبل وهل کيده نوپدغه ورځ هغه روژه په خوله ؤ يوداسې روايت هم راغلې دى چې هغه ٨٠ کوړى ورکړل شوې اوتر ٢٨ مياشتوپورې قيدى کړاى شو ،نوبيا څه وشو داسې وشول له معتصم څخه وروسته دهغه ورور واثق په وخت کې هم دغه ظلم روان ؤ مګرکله چې دمعتصم زوى متوکل خليفه شو نوهغه دقران کريم دمخلوق د ګڼولو پرحکم بنديز ولګاوه چې پدغه ډول د امام احمدبن حنيل دکلک عزم پروړاندې معتصم ، اودهغه قاضى القضاة ابن ابى داود کړنې د تاريخ په باطل دانى کې وروغوځوله ...

امام احمد بن حنيل دخپلې زمآنى ترټولو لويوبادشاهانوسره په يوازى توګه مقابله وکړه او سرلوړى شو .

اوازه خليل ، تعــــــميرکعبه نيســــــــت

مشهور شد ازان که درآتش نکونشست

ليک : مسيح الله (عصام)

ستاسومسائل اود قرآن اوسنت په رڼا کښی دهغی جوابونه

No comments:

آن لائن دار الافتاء ( هډه وال ويب )‏

Search This Blog

Labels

Wednesday, April 11, 2012

دمعتصم په زمانه کې ظلم اوامام احمدبن حنبل رحمه الله عليه

امام احمد بن حنيل دخپلې زمآنى ترټولو لويوبادشاهانوسره په يوازى توګه مقابله وکړه او سرلوړى شو .

اوازه خليل ، تعــــــميرکعبه نيســــــــت

مشهور شد ازان که درآتش نکونشست

ليک : مسيح الله (عصام)

No comments:

Post a Comment

البرامج التالية لتصفح أفضل

This Programs for better View

Contact Form

د هډه وال وېب , میلمانه

پیغام ورود و خروج

Daily Dars e Quran with Easy pashto translation word by word.