آن لائن دار الافتاء ( هډه وال ويب )‏

هډاوال ويب غواړي چي ستاسي اسلامي اندیښني تقویه کړي. اوستاسومسائل ته د قرآن اوسنت په رڼا کښی جوابونه ورکړې او د سپیڅلي دین اسلام په چوکاټ کښي تاسي ته خوږي قصي ، د زده کړي وړ لیکنی اومضامین ، عام معلومات ، په زړه پوري ټوکي ټکالي او جالبه او ښائسته مطالب وړاندي کړي.. https://www.facebook.com/pashto.islamic.mp3.bayanat

Tuesday, April 10, 2012

ايمان تازه کونکى منظره

ليک : مسيح الله عصام

لږه موده وړاندى مي يو ډيراهم تحرير تر سترګوشو چې په لوستلو يې حيرانونکى مالومات په لاس راغله .

سلمان پاک نومى ځاى دپلازمينې بغداد څخه څلويښت ميله واټن کى پروت دى اودا هغه مقدس ځاى دى چې پکې ډيرى اصحاب کرام رضى الله تعالى عنهم واليان (ګورنران) تيرشويدى چې پخوانى نوم يې مدائن ؤ ترډيره وخته پوري عراق د عمجو دارالسلطنت پاتى شويدى چې د ډيرو وګړو واله ښار همدغه مدائن چې د دجلې په مغربي خوا کې اباد وو په امارت فاروقي کې حضرت سعدبن ابى وقاص رضى الله عنه په مشرۍ پوځونه د دجلى چپ طرف خواته ورسيدل ، پدغه مهال کې په دجله درياب باندي دپوريوتلو اوبيا دبريد کولو سوال راپيداشو اوداهم مالومه شوه چې د يزد ګرد په امرسره پل سوځول شوي او ايراني محافظين په کشتيوکې دناستي وروسته تښتيدلي دى .

اسلامى پوځ ديته اړشو چې د دجلې په يو طرف کې وديريږې ، د مدائن ښارسره د خپل ښائيست او لوي والي د دوى په مخ کې وو . نيمه شپه تيره شوي وه او د دجلې په منيځ کې تيزو چپو د اسلامي پوځونو مخه ډب کړي وه او مخامخ بل طرف ته د نوشيروان عادل قلعه په سپينه سپوږمى کې يادلښکر ته د ورتللو دعوت ورکاوه .

دډير سوچ وروسته حضرت سعد رضى الله عنه د الله جل جلاله په امداد ، تائيد او توکل سره د دعا غوښتلو وروسته ټول لښکر په درياب کې ورښکته شول د درياب ټوله ساحه د اسلام د غازيانو څخه سراسر ډکه شوه چې تاحد نظر ټول اسونه او خلک ليدل کيدل ، دوى ټولو په اوبوکې داسې خبري کولې چې څه ډول يې په وچه زمکه کې کولي په درياب کې دحضرت سعد رضى الله عنه سره حضرت سلمان فارسي رضى الله عنه هم وو چې حضرت سعد وويل په الله جل جلاله قسم چې الله به خپل دين غالب کوى اوخپلو دښمنانو ته به شکست ورکوي پدي شرط چې په لښکر کې داسي ګناه نه وي چې د ددې نيکې برباد او ضائع کړي ، حضرت سلمان فارسي ورته په ځواب کې وويل : په خداي قسم : چې مسلمانان به د زمکې په څير درياب هم پامال کړي ، قسم دى په هغه ذات چې د سلمان ساه دهغه په اخيتار کې ده ، چې کوم ډول هغوى په درياب کې ښکته شوې هم په هغه ډول به د درياب څخه روغ او سلامت ووځي .

اسلامي پوځونه روغ رمټ له دريابه رواوښتل ، ايرانيانو چې دا وليدل حيران او وارخطاشول ، په خپله ژبه فارسى کې يې يوبل ته چغې ووهلې ديوان امدند ، ديوان امدند ديوان راغلل ديوان راغلل او ټول وتښتيدل .

دمدائـن همدغه تاريخې ښآر چې د وخت په تيريدلو سره اوس مهال تري يوه وړه سيمه جوړه شويده ، دنوشيروان عادل د محلونو اثارو سربيره پکې طاق کسرى هم ګډون لري چې د ليدو لپاره يې ډيرى وخت دلرو سيمو څخه ليدونکى ( سياح ) ورځې اوپه دغه ځاى کې يو څو د چاي دوکانونه اويوه بي ساري هديره هم ده چې د يوى ګبدى لاندې دحضرت سلمان فارسي مزار( قبر) دى او ووسره د په دوو ملحقوبيلابيلو اطاقونو چې په نوى بڼه جوړدى دحذيفه اوجابربن عبدالله انصاري رضى الله تعالى عنهماد رسول عليه السلام د اصحابو قبرونه ( مزارونه ) هم دى چپ خواته په يوه اندازه واټن کې درياب دجله په يو عجيب ډول بهيږې ، په پورته ډول ياد شوو اصحاب کرامو مزارونه ( قبرونه ) دشاه فيصل اول په زمانه کې په دويم ځل د تدفين وروسته جوړشوې .

مخکې ددغو دواړو اصحابوکراموقبرونه د سلمان پاک څخه د دوو فرلانګو په واټن کې په يوغيراباد ځاى کې دفن ؤ چې کله کله به څوک د فاتحې لپاره ورتلل يواځى دومره مالوم ؤ چې دغه د اصحاب کرامو قبرونه دى .

ددغه اصحاب کرامو د دريم ځل خښولو کې يوه ډيره په حيرت کې اچونکى واقعي پدې مضمون ليکلو اړکړي يو چې د لوستونکو لپاره دغه ايمان تازه کونکى واقعي منظر ديوليک په وسيله تاسو ته هم انځور کړو اوپخپله حيرانتيا ، خوشحالۍ اوپه تازه والي د ايمان کې تاسو هم راسره ګډون وکړئ .

واقعه څه پدي ډول ده چې حضرت حذيفه ايماني په خوب کې ملک شاه فيصل عراقي څخه داسي خواهش ظاهر کړ چې موږ دواړه د اصل ځاي نه اوباسه او دريايې دجلي څخه مو په لږ واټن کې خښ کړه ، ولي چه زما په قبرکې اوبه اود حضرت جابربن عبدالله رضى تعالى عنه په قبرکې نم راتلل پيل شويدې ، د بادشاهۍ د کارونو دمصررفيت له وجې ملک فيصل دغه خوب هيرکړ په دوهمه شپه يې بياخوب وليد اوبادشاه يوځل بيا خوب هيرکړ ، په دريمه شپه حذيفه ايمانى دعراق مفتى اعظم ته په خوب کې هدايت وکړ چې اودايې هم ورته وويل د تيرو دوو ورځوڅخه هغه بادشاه ته دغه ډول ويلې مګر هغه يې د مصروفيت له وجې هيره وى او دا اوس ستا فرض دى چې هغه متوجي کړي ، چې موږ دخپلو قبرونو څخه بل ځايه ته انتقال کړي ، دغه راز مفتي اعظم عراق ددغه وخت لومړى وزير نوري السعيد سره تماس ونيو، چې زه له تاسره ليدل غواړم هغه دغه ټوله واقعه نوري السعيد ته وويله لومړى وزير دبادشاه سره سملاسې د ملاقات انتظام وکړ ، مفتې چې کله خوب بيان کړ، نو بادشاه وويل چې بلي زه دغه خوب دتيرو دوو شپو څخه ونيم اوتيره شپه هم ماته په خوب کې يو ځل بيا وويل شو ، بادشاه مفتي ته وويل اوس تاسو ووايئ چې څه بايد وشې مفتې بادشاه ته وويل هغوى په ښکاره ټکو وايې چې دوى له دغه ځاى څخه اوباسئ او درياب سره يې په لږه فاصله کې دفن کړئ ، شاه فيصل وويل د احتياط په ډول بايد دا تصديق وکړل شي چې د درياب اوبه راځې هم اوکه نه .

مفتي هم ورسره خبره ومنله لدي وروسته د عراق د تعميراتي ادارې لوړپوړى انجنرته شاهى فرمان صادرشو ، چې دقبرونو څخه د درياب پوري په سورنګ کولوسره مالومه کړي چې قبرونو اوبه اونم ورځي اوکنه .

چې د ټولي کدايې څخه وروسته د اوبو کوم اثار ونه ليدل شو چې مفتي اعظم ټول وخت همدغه ځاى موجود او ټوله کړنه يې په خپلو سترګو ليدله اوترماښامه بادشاه ته ددغه څه خبر ورکړل شو ، مګر دغه شپه هم حذيفه ايمانى رض په ډير تاکيد سره وويل چې بيړه وکړئ زموږ قبرونو کې اوبه جمعه کيدل پيل شوي او همدغه خوب يوځل بيا مفتي هم وليد مفتي سهار وختي حيران او پريشان بادشاه ته ورسيد او بادشاه ته يې خپل خوب ياد کړ ، بادشاه په ځواب کې ورته وويل چې اوس زه څه کولي شم دزمکى د ماهرينو راپور راغلى اوته هم ګواه ياست ، مفتى ورته په ځواب کې وويل که څه هم وى تاسو قبرونه وسپړئ دعراق بادشاه ورته وويل . ډيره ښه ده تاسو فتوى ورکړئ مفتى همدغه ځاى کې فتوى ورکړه ،

فتوى اود بادشاه فرمان په رسنيو کې خپاره شول دنړۍ سربيره په ګرده اسلامى نړۍ کې ياد خبرډيرژر پيل شو چې د غټ اخترپه ورځ د ماسپخين وروسته به د محترمو اصحابه کرامو قبرونه پرانستل کيږې پردغه وخت کې عراقي حکومت په ځانګړى توګه د کسټم او دروپو او پيسو ناغي ماتى کړي تردى چې د پاسپورت نه شتون هم څه خبره نه وه مطلب داچې پدغه لسو ورځو کې ډيرو نيک بختو خلکوته ددغو پاکو هستيو زيارت ورپه برخه شو او ډير خلک د بيلابيلو سيمو څخه دغه ځاى کې راټول شول .

د دوشنبي په ورځ د ١٢ بجو وروسته د لکونو خلکو په محضرکې قبرونه پرانستل شول مالومه شوه چې د حضرت حذيفه په قبرمبارک کې اوبه داخلي شويدى اود حضرت جابربن عبدالله انصاري په قبرکې نمى راغلي ده ، اعلى حضرت شاه فيصل د عراقى پارليمانى غړو په ګډون سره اول د حذيفه لاش مبارک دکرين په وسيله داشي اوچت کړي شو چې لاش په کرين بآندى نصب چپرکټ (اسټريچر) باندي پخپله ځاى پرځاى شو او لاش مبارکه ته لوړپوړو شخصيتونو اوږه ورکړه او د شيشې په تابوت کې کيښودل شو.

دغه رازد جابربن عبدالله انصاري لاش مبارک دمزار مبارکه څخه راويستل شو په لاش مبآرک باندي کفن هم ؤ او د ږيري مبآرکې ويښته مبارک يې هم په خپل حالت کې وو لاشونو ته په کتلو سره داسې مالوميدل چې دوى څو ساعته مخکى ساه ورکړي چې په حقيقت کې پري ديارلس سوه کاله تيرشويدى .

ددغه پاکو نفسونو اوپاکو جسدونو د ښودلو لپاره جرمنى هيواد لوى لوى پردى ( پراجيکتوري) نصب کړي وى پدغه سانحه کې بي شميره خلک د اسلام په سپيڅلى دين مشرف شول ، دغه سانحه په ټي وي هم وښودل شوه اولدي سربيره پري د الوتکو څخه ګلان هم شيندل کيدل .

ستاسومسائل اود قرآن اوسنت په رڼا کښی دهغی جوابونه

آن لائن دار الافتاء ( هډه وال ويب )‏

Search This Blog

Labels

Tuesday, April 10, 2012

ايمان تازه کونکى منظره

No comments:

Post a Comment

البرامج التالية لتصفح أفضل

This Programs for better View

Contact Form

د هډه وال وېب , میلمانه

پیغام ورود و خروج

Daily Dars e Quran with Easy pashto translation word by word.