آن لائن دار الافتاء ( هډه وال ويب )‏

هډاوال ويب غواړي چي ستاسي اسلامي اندیښني تقویه کړي. اوستاسومسائل ته د قرآن اوسنت په رڼا کښی جوابونه ورکړې او د سپیڅلي دین اسلام په چوکاټ کښي تاسي ته خوږي قصي ، د زده کړي وړ لیکنی اومضامین ، عام معلومات ، په زړه پوري ټوکي ټکالي او جالبه او ښائسته مطالب وړاندي کړي.. https://www.facebook.com/pashto.islamic.mp3.bayanat

Tuesday, June 19, 2012

آیا ښځې ته جايزه ده چې نارينه خياط ته د ګنډلو جامې يوسي ؟

سلام واحترامات : بازهم یک سوال دارم به امید جواب ان :سوال من این است که من یک دختر استم من میخوام که کالی خود را به خیاط مردانه ببرمم ایا از نکاه اسلام این چه حکم دارد

خور

ځواب

بسم الله الرحمن الرحيم

ښځې ته جايزه نه ده چې د سخت ضرورت پرته نارينه خياط ته د کنډلو د پاره خپلې جامې يوسي ځکه په دې کار کې لاندې فتنې او خطرونه موجود دي .

اول : د بيګانه نامحرم کس سره اختلاط ، د بيګانه سره اختلاط کول په اسلامې شريعت کې منع او حرام دی :

إِيَّاكُمْ وَالدُّخُولَ عَلَى النِّسَاءِ (بخاری ۵۲۳۲ ) .

د بيګانه ښځو د خلوت نه ځان وساتئ .

لا يَخْلُوَنَّ رَجُلٌ بِامْرَأَةٍ وَلا تُسَافِرَنَّ امْرَأَةٌ إِلا وَمَعَهَا مَحْرَمٌ (۳۰۰۶ بخاری ).

ژباړه : هيڅ بيګانه سړی به د بيګانه ښځې سره خلوت نه کوي او هيڅ ښځه دې بدون له محرم څخه سفر نه کوي .

دوهم : د خاوند د کور نه بغير بل ځای د جامو ايستل ، د جامو يا لباس کچه او اندازه ګيري يا خياط ته د اندازې د پاره د خپلو جامو ورکول په لاندې حکم کې شامل دي .

دأبو المليح الهذلي نه روايت دی چه د (حمص) دښار ځنو ښځو بی بی عايشې رضی الله عنها ته د وردګ اجازه وغوښته . عائشه رضی الله عنها ووِيل : کيدای شي تاسې له هغو کسانو څخه وﺉ چې عمومې حمامو ته ننوځي .

له رسول الله صلى الله عليه وسلم څخه مې اوريدلی چې فرمايل یې :: «أيما امرأة وضعت ثيابها في غير بيت زوجها فقد هتكت ستر ما بينها وبين الله» (صحيح أخرجه الترمذي وابن ماجه).

هرې ښځې چې د خاوند د کور نه بغير بل ځای خپلې جامې ويستلې يقيناً هغې د خپل ځان او خدای جل جلاله تر منځ پرده څيرې کړی ده .

فتاوى المرأة المسلمة” (2/576، 577)

په دې اړه د عربستان د جيد عالم عبدالرحمن البراک څخه پوښتنه شوې ده چې : آيا د ښځې د پاره جايز ده چې خپلې جامې د کنډلو د پاره خياط ته يوسي او په يو مخصوص اتاق کې د هغه د قد او جامو اندازې اخلي همدارنګه د جامو بدلولو د پاره مخصوص اتاق وي ؟

په ځواب کې وايي :

په مسلمان ښځه باندې د خپل عزت او کرامت ساتل فرض دي ، په خاصه ټوګه کله چې له خپل کور څخه ووځي او بيا په خاصه ټوګه چې کله بازار ته لاړه شي ، بازار د انساني او جني شيطانان مرکز دی ، او په خاصه توګه د جامو کنډلو محلات او خياطی د ښځو د پاره د فتنې ځای دی ځکه ددي چلونکي په غالب ګمان امانتداره خلک نه وي نو ددې ويره شته چې (کله په مخصوص اتاق کې ښځه جامې بدلوي ) د مخفي کامرې په وسيله د هغه لوڅ تصويرونه واخستل شي .

نو کمه ښځه چې له الله تعالی څخه ويرېږي د هغې د پاره جايزه نه ده چې په داسې ځای کې خپلې جامې و باسي .

فالواجب على المرأة المسلمة أن تحافظ على كرامتها وعرضها أن يمس بأي سوء ، ولاسيما إذا خرجت من بيتها ، فإن الأسواق والمحلات ميادين ومراتع لشياطين الإنس والجن ، ومحلات الخياطة من أخطر الأماكن على المرأة فتنة ؛ لأن العاملات فيها غير مأمونات في الغالب ، فلا يؤمن أن يقمن بتصوير المرأة كاسية أو عارية ، ولا يخفى أن آلات التصوير قد بلغت مبلغاً خيالياً في الدقة ، بحيث يمكن تصوير من يراد تصويره من غير شعور منه ، وعلى هذا فلا يجوز للمسلمة التي تخاف ربها، وتغار على نفسها أن تخلع ثيابها في هذه المواقع المشبوهة ( شيخ عبدالرحمن البراک ) .

ټولو مسلمانو با وقاره با عفته خوندو ته مو دا پيغام دی چې :

ډير احتياط کوئ ، د خپل عزت او کرامت حفاظت کوئ ځکه ځمکه فساد پر سر اخيستي ده ، بازارونه اکثراً له فاسقو او فاجرو خلکو ډک دی ، داسې کسان شته چې هغوی قصداً د ښځو لوازم خرچوي ، قصداً د ښځو جامې ګنډي چې ددې نه يې مطلب د بيګانه ښځو سره خبرې کول ، هغوی ته کتل … او نورو باندې خپل ژوند خوشحاله او مست تيرول وي بلکي مطلب يې د خلکو د ضرورت رفع کول نه وي .

مسلمانې خوندې دې خپل کرامت او عزت د خپل سکندرې ديوال او کلک دفاعي سنګر چې اسلامې حجاب او اسلامې آداب دي وساتي .

و الله سبحانه وتعالی اعلم

آن لاين اسلامې لارښود