آن لائن دار الافتاء ( هډه وال ويب )‏

هډاوال ويب غواړي چي ستاسي اسلامي اندیښني تقویه کړي. اوستاسومسائل ته د قرآن اوسنت په رڼا کښی جوابونه ورکړې او د سپیڅلي دین اسلام په چوکاټ کښي تاسي ته خوږي قصي ، د زده کړي وړ لیکنی اومضامین ، عام معلومات ، په زړه پوري ټوکي ټکالي او جالبه او ښائسته مطالب وړاندي کړي.. https://www.facebook.com/pashto.islamic.mp3.bayanat

Friday, May 10, 2013

څوک خپلې ښځې ته په موبایل کې ووايي چې ته نوره زما ښځه نه يې

سلام علیکم:

که چیرې یو څوک خپلې ښځې ته په موبایل کې ووايي چې ته نوره زما ښځه نه يې او همدارنګه بیا ورته صرف یو ځل ووايي چې زه تا ته طلاق درکووم چې هغه يي واوري او یا د شور ماشور له وجې څخه يې وا نه وري نو د اولې او دوهمې جملې سره کوم قسم طلاق واقع کیږي ؟ ښځه پرې دایمي طلاق ګرځي او که نه بیا ورته رجوع کولای شي ؟
رجعت بیا څنګه کیږي نکاح طریقه شاهدان او نور یي څنګه دي او همدارنګه که په دې دوران کې جماع وشي څه حکم لري

هیله ده چې زما نوم په نیټ کې خپور نکړۍ او ماته هر څومره چه امکان لري ژر ځواب راکړۍ زما په ایمیل کې ځواب راکړۍ او دا سوال په نیټ کې خپراوۍ نو زما نوم مه ورسره لیکۍ .

په درنښت

ځواب

بسم الله الرحمن الرحيم

زه به طلاق ورکړم په لفظ سره طلاق نه واقع کيږي ( لا نه وعدکذا في الشامي ) (1) اودالفظ طلاقنامه ليکم سره هم طلاق نه واقع کيږي اوکه دويونکې شک وي چې طلاق ورکوم مي ويلى اوکه طلاق به ورکوم مي ويلى نودشک په صورت کې طلاق نه واقع کيږي اوپه کوم صورت کې چې طلاق واقع کيږي يو طلاق واقع کيږي اوپه ګنوناستوکې له بيا بيا ويلو څخه که دهغه مرادله لومړې طلاق څخه خبرورکول وي نوپه دې تکرارسره نوې طلاق نه واقع کيږي ( في الدرالمختار علم انه حلف ولم يدربطلاق اوغيره لغا کما لوشک اطلق ام لا ولوشک اطلق واحدة اواکثربنى على الاقل الخ ) (2)

فتاوی دارالعلوم ديوبند د زوجيت څخه د وتلو کلمه استعمالول کنايه الفاظ بولي داسې چې ښځې ووايي ته ما د زوجيت څخه جلا کړی ، يا داسې ويل چې ته زما ښځه نه يي ، که نيت يې طلاق وي طلاق بائن واقع کيږي د دواړو په رضامندی سره به د نکاح تجديد کوي او که نيت يې د طلاق نه وي طلاق نه واقع کيږي ( فتاوی دارالعلوم ديوبند ج ۹ ص ۲۶۵ – الدرالمختار کنايات ج ۲ ص ۴۴۶ – عالمګيری ج ۱ ص ۴۳۱) .

مسلمانانو وروڼو او خوندو ته مو دا نصيحت دی :

چې د طلاق د الفاظو کارولو څخه که صريح وي او يا کنايي وي ځان وساتي ځکه بې ضرورته ، د مسخرو په شکل ، د غصي او بې احتياطې له وجې طلاق سختې خطرناکې پايلې لري .

د خپل ځان او خپلې ميرمنې جوړ ژوند بې ضرورته بغير له څه وجې مه بربادوئ .

قرآنکريم د يوې ښځې فرياد چې د طلاق د خطرناکو پايلو په اړه خپل رب جل جلاله په ژړا فرياد کوي داسې بيانوي :

قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا وَتَشْتَكِي إِلَى اللَّهِ وَاللَّهُ يَسْمَعُ تَحَاوُرَكُمَا إِنَّ اللَّهَ سَمِيعٌ بَصِيرٌ (1) المجادله .

بې شکه الله د هغې ميرمنې وينا واوريده چې د خپل ميړه په هکله ستا سره بيا بيا ږغېږي او الله جل جلا له ته فرياد کوي او الله جل جلا له تاسې دواړو پوښتنه او ځواب اروي . بې شکه الله جل جلا له اوريدونکی او ليدونکی دی .

ددې ښځې مسئله داسې وه چې خاوند يې ظهار ورکړی وو بيا رسول الله صلی الله عليه وسلم د ددې مسئلې د پاره راغله رسول الله صلی الله عليه وسلم ور ته وويل په دې باره کې حکم نه دی نازل شوی او په بل روايت کې زما په نظر چې طلاق واقع شوی دی دا وخت د ظهار حکم نه وو نازل شوی .

ښځه لاړه او د خپل رب په دربار کې په ژړا سره داسې وايي :

ای الله جل جلا له ! واړه واړه بچيان لرم کچيرې هغوی خاوند ته ورسپارم هغوی به ضايع شي او که له ځانه سره يې بوزم د هغوی د نفقي توان نه لرم هغوی به را نه وژې شي .

او خپل سر يې آسمان ته پور ته کړ ويې ويل :

«اللهم‌ إني‌ أشكو إليك‌، اللهم‌ فأنزل‌ علي‌ لسان ‌نبيك: ! ای ربه زه خپل مشکل تا ته پيش کوم زما د مشکل حل د خپل نبي په ژبه نازل کړه ، همغه وو چې دا آيت نازل شو: (قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا…).

تفسير انوارالقرآن – سورة المجادله

دطلاق ورکولو الفاظ

په کومو الفاظو چه طلاق ورکول کيږي هغه دوه ډوله دی صريح الفاظ او کنايه الفاظ :

۱- صريح الفاظ : د صريحو الفاظو نه مراد هغه الفاظ دي چه په داسې صفا الفاظو طلاق ورکړل شي چه بغير له طلاق بل څه نه ورڅخه اخيستل کيږي ،مثلاً ښځی ته يې وويل چه ما تالره طلاق درکړ ، ته په ما طلاقه يی او نور .

په دغو صريحو يا واضيحو الفاظوسره که طلاق ورکړل شي طلاق واقع شو ، که يې نيت کړی اوکه نه ، که په فکر يا سنجيدګی وي او که نه يا په ټوقو سره په هر صورت کې طلاق واقع کيږی چه په همغو دريو طلاقو رجعی ،بائن او مغلظ کی چه د طلاق ورکوونکی هر کوم مطلب وي همغه به واقع شي .

۲- کنايه الفاظ : کنايه الفاظ داسې الفاظ دي چه هغه د طلاق لپاره مخصوص نه وي يا چه دهغی مطلب د طلاق هم کيدای شي او يا دغصی اظهار هم کيدای شی ، مثلاً يو سړی ښځی ته ووايی زما له کوره ووځه ، خپلی پلارګنی ته ځه ، زما سره ستا اوس ګزران نه کيږی او داسی نور .

په داسی الفاظو کی نيت ته اعتبار ورکول کيږي که يی نيت طلاق وی نو طلاق بائن به پريوځی او که نيت يې طلاق نه وي نو طلاق نه واقع کيږی .

فاکنايات لا تطلق بها قضاء الا بنية او دلالة الحبال . فنحوا اخرجی اذهبی (تنوير الابصار مع هامش ردالمحتار ج ۳ ص ۲۹۶ ) .

و لو قال لها اذهبی بای طريق شئت لا يقع بدون النية و ان کان فی حال مذاکرة الطلاق (الفتاوی هندية ۱/۳۷۶ ) .

وسئلت اللجنة الدائمة عمن قال لزوجته : علي الطلاق تقومين معي ، ولم تقم معه . فهل يقع بذلك طلاق ؟

فأجابت :

إذا كنت لم تقصد إيقاع الطلاق وإنما أردت حثها على الذهاب معك فإنه لا يقع به طلاق ويلزمك كفارة يمين في أصح قولي العلماء ، وإن كنت أردت به إيقاع الطلاق إذا هي لم تستجب لك وقع به عليها طلقة واحدة اهـ فتاوى اللجنة الدائمة (۲۰/۸۶ )

مسلمانانو ته مو دا نصيحت دی چې د طلاق د الفاظو کارولو څخه که صريح وي او يا کنايي وي ځان وساتي ځکه بې ضرورته ، د غصي او بې احتياطې له وجې طلاق سختې خطرناکې پايلې لري .

د خپل ځان او خپلې ميرمنې جوړ ژوند مه بربادوئ .

قرآنکريم د يوې ښځې فرياد چې د طلاق د خطرناکو پايلو په اړه خپل رب جل جلاله په ژړا فرياد کوي داسې بيانوي :

ښځه لاړه او د خپل رب په دربار کې په ژړا سره داسې وايي :

او خپل سر يې آسمان ته پور ته کړ ويې ويل :

تفسير انوارالقرآن – سورة المجادله

و الله سبحانه وتعالی اعلم

(1) وگورى الدرالمختار على هامش ردالمختار للشامي ( ج ٢ ص ٦٥٧ ط س

(2) الدرالمختار على هامش ردالمختار کتاب الطلاق ( ج ٢ ص ٦٢٣ ط س