آن لائن دار الافتاء ( هډه وال ويب )‏

هډاوال ويب غواړي چي ستاسي اسلامي اندیښني تقویه کړي. اوستاسومسائل ته د قرآن اوسنت په رڼا کښی جوابونه ورکړې او د سپیڅلي دین اسلام په چوکاټ کښي تاسي ته خوږي قصي ، د زده کړي وړ لیکنی اومضامین ، عام معلومات ، په زړه پوري ټوکي ټکالي او جالبه او ښائسته مطالب وړاندي کړي.. https://www.facebook.com/pashto.islamic.mp3.bayanat

Thursday, June 14, 2012

دانګریزی تعلیم شرعی حکم

څرنګه چی دټولوژبوخالق لوی پروردګارجلّ جلاله دی نوانګریزی هم یوه ژبه ده په خپل ځان کی دډیروعلومومتحمله ده،زده کول یئ کمال ګڼل کیږی،اوښه معلوماتونه ورکی لاس ته راوړل کیدای شی،ددی ژبې دزده کړې په موردکی داوسنی عصرپه ډیروفتاواووکی ګڼ مطالب شته ،علامه محمدادریس کاندهلوی رحمة الله علیه په خپل نړیوال مشهوراومنل شوی کتاب (دستورالاسلام ) کی ډیرښه تحقیق کړی چی لنډ ټکی اوخلاصه یئ دغه ده :اسلامی شریعت دهیڅ ژبې یاعلم زده کول نه دی منع کړی،لیکن که له کوم روااومباح کارسره داسی شیان ګډشی چی شرعاحرام وی نودغه مباح کارهم دهغوقبائحواومفاسدوله وجهي حرام لغیره جوړیږی،علامه کاندهلوی وړاندی لیکی:په مشاهده اوتجربه سره داخبره ثابته ده چی دموجوده انګریزی تعلیم لازمی اثردادی چی وضع قطع اوګرزیدل راګرزیدل یئ هم شرعی نه وی،لمونځ اوروژه هم ورځني ورک اودعظیم الشأن قرآن تلاوت هم نه کوی له مسجدشریف څخه نفرت اوله سینمااونورودفحشاله ځایونوسره یئ مینه وی،علاوه لاداچی عقیدې یئ هم ښوراندي شي،اودغربیانودتهذیب اوتمدن مینه دده په زړه کی دومره ټینګه شی چی اسلامی معاشره دده په نظرکی خواره ذلیله،اودنفرت وړشی،اوپه زړه کی یئ دشرعی احکاموکوم تم ځای پاته نه وی،نووړاندی ځي ځي طبیعت یئ هم بدلیږی اوبالآخره مغربی فکردده په زړه کی پخیږی نوداسی تعلیم له کوم شک اوشبهې څخه وتلی حرام دی لنډه داچی دانګریزی ژبې زده کړې که حرام والی راتلی هغه لغیره دی لذاته نه دی اوکه داسی مفاسدورکی نه وونوبی له شکه چی زده کول یئ ښه کاردی.دستوردالاسلام اونظام الاسلام صفحه (۱۱۵)