د حج اداينه د ثواب لامل که د عذاب؟

د حج اداينه د ثواب لامل  که د عذاب؟

ليکوال: قاري صالح محمد مدثر

دا يو څرګند او روښانه حقيقت دئ، چي د حج اداينه پر ټولو توان لرونکو مسلمانانو باندي په ټول ژوند کي يو ځل يوه الهي فريضه ده، ځکه الله جل جلاله  په خپل مقدس کتاب قرانکريم کي فرمايي :

وَأَتِمُّوا الْحَجَّ وَالْعُمْرَةَ لِلَّهِ...( سورت البقره ايت ١٩٦ )

ژباړه: حج او عمره خاص د الله جل جلاله  لپاره ادا کړئ .

او په  بل ايت کريمه کي الله جل جلاله  فرمايي:

وَلِلَّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلًا. ( سورة العمران اية ٩٧)

ژباړه: يقينا پر توان لرونکو خلګو باندي دالله جل جلاله  داحق دئ چي د بيت الله شريفي حج ادا کړي .

دا چي د حج اداينه به د ثواب لامل ګرځي او که دعذاب ؟ 

       ګرانولوستونکو! دا يو څرګند حقيقت دئ چي د حج د مقدسي فريضې اداينه د ټولو مسلمانانو لپاره د ډېر زيات ثواب او د ټولو ګناهونو د بخښي سبب او لامل ګرځي ، ځکه حضرت محمد صلی الله علیه وسلم  فرمايي: هر څوک چي خاص د الله جل جلاله  لپاره حج ادا کړي او له ناوړه کارونو څخه ځان وژغوري نو د حاجي  د حج د ادايني او قبوليت څخه وروسته د نوي زېږېدلي ماشوم په شان کيږي (کوم چي دلويو او کوچنىو ګناهونو څخه معصوم دئ ) ټولي ګناوي يې بخښل کيږي( پرته دمسلمان دحق څخه ( بخاري) . 

 

اوس دلته دا پوښتنه پيداکيږي چي د حج اداينه څرنګه د عذاب لامل کيږي ؟

        محترمو مسلمانانو! ددغي پوښتني ځوابونه بيخي ډېر دي او  ډېر داسي اعمال سته چي  دهغو په کولو سره د حج اداينه د ثواب او اجر نه بلکي د الهي عذاب لامل کيږي ، خود روښانتيا په موخه به څودغسي کارونه ستاسو په مخکي کښېږدو.

 

 ١- د حج د ادايني څخه بايد يوازي او يوازي دالله جل جلاله   رضا او خوښي هدف وي او هيڅ دنياوي هدف او مقصد ورڅخه مراد او مطلب نه وي ځکه الله جل جلاله فرمايي: وَأَتِمُّوا الْحَجَّ وَالْعُمْرَةَ لِلَّهِ...(سورت بقره ايت ١٩٦)

ژباړه: خاص د الله جل جلاله  لپاره حج او عمره  ادا کړئ .

       دپورتني ايت څخه د حج د ادايني مطلب په ښکاره توګه معلوميږي چي خاص د الله جل جلاله  رضا‌‌‌‌ء او خوښي ده،نو که چيري يو مسلمان ورور د حج د ادايني څخه هدف  دنياوي عزت ، شهرت او د حاجي صاحب نو م وړل  او  داسي  نور..  اهداف وي دغه حج به يوازي او يوازي د مسلمان ورورلپاره عذاب او  دسزا سبب  وګرځېږي .

 ٢- حاجي صاحب بايد داسراف (بې ځايه لګښتونو ) څخه ځان وژغوري ځکه الله جل جلاله فرمايي :  وَأَنَّ الْمُسْرِفِينَ هُمْ أَصْحَابُ النَّارِ ( سورت الغافر  ايت ٤٣) 

 

ژباړه: رښتيا بې ځايه لګښت کونکي دوزخيان دي.

         که چيري پورتني مبارک ايت ته ځير سونو دابه راته روښانه سي چي اسراف کول دالله جل جلاله  د مقدس کتاب قرانکريم څخه نافرماني ده  او  هغه څوک چي د الله جل جلاله   د امر څخه نافرماني کوي دالله جل جلاله  د عذاب مستحق ګرځي  داچي زموږ د ټولني د ژوندانه په هراړخ کي اسراف (بې ځايه لګښتونه )بيخي د پاى نقطي ته رسېدلي دي او په معاصر وخت کي يې ډېر رواج موندلى دئ.  دا چي زموږ موضوع د حج په باره کي ده نو راځو ددغو اسرافونه تفصيل او بيا ن کوو .

 

          زموږ حاجيان صاحبان چي کله د حج څخه راستانه سي او خپل کورته ورسيږي نو ددې پر ځاى چي دالله جل جلاله  شکر ادا کړي  بې ځايه مصرفونو ته مخ کړي هغه داچي د خپل نوم او د شهرت د ګټلو په موخه خلګو ته ډول ، ډول وسايل ، جامي ، ساعتونه ، دسملان، موبايلونه  او  داسي نور  شيان راوړي ، آن تر دې چي ځني حاجيان صاحبان خلګو ته ټيپان او تلويزو نونه  هم  راوړي .

 

      پردې سربېره د حاجي په کوټه کي ډول ، ډول مېوې او فوق العاده (په لوړ کيفيت سره) ډوډۍ هم پيدا کيږي، دا په دې خاطر که چيري حاجي صاحب ددغسي ډوډۍ تياري ونه  نيسي يا خو به څوک مبارکۍ ته نه ورځي او که چيري ورځي نو دهغه حاجي صاحب د ډوډئ  او کوټې  ډېر ښه  صفت  به ونه کړي .

 

          او دځينو حاجيانو صاحبانو که لاس مچ نه سي ډېر خوابدي کيږي ، نو که لږ فکر  وکړو  دغه ټول کارونه هم د حاجي صاحب او هم د عامو مسلمانانو نيتونه خرابوي او دعذاب سبب کيږي بايد ورڅخه پرهېز وکړو.

 

            بله داچي په دغو مصرفونو (لګښتونو)سره حاجي يوازي خپل مال  او حج ته تاوان نه دئ رسولى ، بلکي عامو مسلمانانو ته يې هم تاوان رسيږي ځکه که چيري حاجي صاحب چاته ساعت ،کالي او دېته ورته نور شيان ورکړي  نو هغه مسلمانان مجبوره دي يا به حاجي صاحب ته پسه راولي او يا به دنوموړي حاجي صاحب ډوډئ کوي او دابيخي يو غټ تکليف دئ ، ځګه چي ډېر ناوسه خلګ ددغسي مراسمو توان نه لري او  دهغه  دازار سبب کيږي .

 محترمو مسلمانانو ! اوس تاسي فيصله وکړئ چي ددغه ډول حج اداينه به د ثواب لامل ګرځي او که دعذاب ؟ 

 

٣ _حاجي صاحب بايد د خپل دغه الهي نعمت شکر اداکړي ، داچي و بيت الله شريفي ته تګ او دحج اداينه دالله جل جلاله  د ډېرو سترو  نعمتونو څخه يو ډېر لوئ  نعمت دئ نو هر مسلمان ورور ته پکار ده چي ودغه نعمت ته تر رسېدو وروسته دالله جل جلاله  حمد او شکر اداء کړي او له ناشکرۍ څخه ځان وژغوري ځکه الله جل جلاله فرمايي : لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ (سورت ابراهيم ايت ٧)

 

ژباړه: که تاسي دالله جل جلاله  پر نعمتونو باندي شکر وباسئ نو زه به يې درته  زيات کړم او که ناشکري وکړئ نو  زما عذاب  ډېر سخت دئ .

ګرانو لوستونکو! پوهېږئ، چي هغه ټول کارونه چي په شريعت کي اسراف بلل کيږي هغه دالله جل جلاله  د ناشکرۍ سبب هم ګرځي او الله جل جلاله  دنعمتونو ناشکري د سخت عذاب لامل ګرځي نوبايد دپورته ذکر سوو افعالو څخه په کلکه پرهېز وکړو او خپل ځانونه د شهرت غوښتني، اسراف، ناشکري او دالله جل جلاله  د سخت عذاب څخه وژغورو.

 

          د حج فضائل او ثوابونه هم ډېر زيات اوبې شمېره دي خو دبسني په موخه داسلام د ستر پيغمبراو لارښود حضرت محمد صلی الله علیه وسلم  دغه حديث کافي دئ، چي فرمايي: څوک چي خاص دالله جل جلاله  د رضاء او خوښۍ لپاره حج وکړي نو دنوى زېږېدلي ماشوم په شان د ګناهونو څخه پاکېږي پرته د مسلمان دحق څخه .

 

          نو ټولو مسلمانووروڼو او خويندو ته دا لازمه ده چي هر اسلامي حکم او خاصتاً د حج داديني څخه يې مطلب دالله جل جلاله  رضاء او دهغه خوښي وي ، ځکه د ژوند څخه هدف دالله جل جلاله  رضا ده که چا دالله جل جلاله  رضا پيداکړه هرڅه پخپله سمېږي او که دالله جل جلاله  رضا او خوښي نه وي نو هيڅ عمل او کار فايده او کومه ګټه نلري او که مسلمان حج دالله جل جلاله  درضاء او خوښۍ لپاره اداءکړي نو الله جل جلاله  به دخوشحاله او ښه ژوند سره په اخرت کي دايمي هوساينه او ښايسته ژوند ورنصيب کړي.

 

او که يې دنيوي هدف ورڅخه مراد وي نونه يوازي داچي مالي او ځاني ستړياوي يې عبث او بې ګټي سوې بلکي دالله جل جلاله  دعذاب سره به هم مخ کيږي نو پکارده چي دالله جل جلاله  د عذابونو او دهغو لارو اوکړنو څخه پر هېز وکړو چي دهغو په کړنه سره دالله جل جلاله  د عذاب مستحق ګرځو .

ماخذ: تعلیم الاسلام مجله، ۹ ګڼه

 

 

 

1. پوښتنه: د نانزکو کارول د ماشومانو جينکو لپاره څنګه دي؟
2. پوښتنه: ځينې مېرمنې له لمانځه وروسته د جاينماز څنډه راغونډ وي
3. پوښتنه: که د يوې ښځي خاوند ورک شي، مړاو ژوندي مالوم نه وي؛ نو
4. پوښتنه: که يوه ښځه په عدت کې وي؛ نو کوم شيان پرې بند او کوم ورته ازاد دي ؟
5. پوښتنه:د مېرمنو{ ښځو } له پاره پنجابي لباس کول څه حکم لري؟
6. پوښته : د دواړو سجدو په منځ كې دادعاء لوستل روا دي اوكه نه ( اللهم اغفرلي وارحمني الخ ) ؟
7. پوښته: دانګريزانو وړينې جامې ليلاميږي په هغې كښې شبه دناپاكۍ شته ، اياهغې سره مونځ جائز دى اوكه نه ؟
8. پوښته: داودس وچولو وخت كښې سلام كول يا د سلام ځواب وركول جائز دي اوكه نه ؟
9. پيوند كاري اعضاء دليل مانعين دلائل قائلين: ند كاري اعضاء
10. ځيني خلك له ركوع نه رورسته نيغ نه ودريږي اوسيده سجدې ته ځې په داسې كولو مونځ كيږي اوكه نه ؟
11. څلورو ښځو سره د نکاح کولو اجازه ورکړل شوې ده او ښځو بيا له يو خاوند څخه زيات خاوندان نشي کولاي؟
12. چا ته د مينې ،عقيدې او اخلاص له مخې د هغه عزت او اکرام لپاره قيام پاڅېدل او درېدل څه حکم دې تفصیلی وضاحت واکړې
13. چه اميان راټول شي اوځانته ځانته مونځونه كوي نو آيا اذان ورباندې شته اوكه نه ؟
14. چه په سجده كښې دواړوه خپې اوچتې كړي نو څه حكم لري؟
15. چک چکې وهل او د معلم د استقبال د پاره د زده کونکو پورته کيدل
16. چی دنوی واده والا کسان چی مسافری یی تر۳میاشتو اضافه شی دوهمی ځل نکاح پری اوړی ایا دا واقعیت لری که نه ؟
17. چې اوبو سره استنجاء كولو وخت كښې څاڅكي راځي نوڅه وكړي ؟
18. چې د کومې ښځې سره چا زنا کړې وي نو د هغې لور ورباندې حرامه ده ، نکاح یې ماتیږي ؟
19. ډيرخلك له سجدې نه څلور ګوتې پورته شي دويمه سجده كوي دهغوي مونځ كيږي اوكه نه ؟
20. ډیری ښځی دی اولیــأووشهـــیدانــوقبــرونوته ورځې اوهــلته ورته زانـګو اچوی
21. ښځه د مجلس دفيشن او ماډرن لپاره نه ده
22. ښځه د مخ او لاسونو نه اضافي ويښتان لرې کولای شي ؟
23. ښځه چې په كور كې په خپله نرمه بسترناسته وي الله رب العزت د جهاد ثواب وركوي
24. ښځو ته د دا سې بوټونو پښوکول چې دتګ په مهال اواز کوي
25. ښځورواج ده چــــی پــه مخ خالونه وهی په شریعت کی ددی عــمل حکم څه ده ؟
26. ښځينه معلمې ته کتل او ور سره خبرې کول ګناه ده ؟
27. که د لمانځه په مهال موبائل زنګ {رینګ} ر اشی نو څه کول پکار دې ؟
28. که حاملې ښځې ته د روژې نيولو په وجه د هغې ځان يا بچي د پاره نقصان او خطر وي نو هغه ته د روژې پريښودل جايز دي
29. که د دين د پاره خطر وي په غير مسلم هيواد کې استوګنه کول ښه نه دي
30. که د نفاس په موده کې وينه نا منظمه يا تر څلويښتو ورځو زياته شي ؟
31. که دمسجدپه کړکینو کې دلمونځ کونکي عکس ښکاري نولمونځ یې صحیح دی؟
32. که دواړه پښې د سجدې په وخت کې پورته شي لمونځ فاسديږي ؟
33. که زه په روژه کی دورځی دخپلی ښځی سره مستی وکړم مذی می ووځی روژه پری ماتیږی اوکه نه؟
34. که مو مېرمن په حيض کې هم وي جماع کولی شئ، خو…
35. که مو نوی واده کړي وي يو ځل يې ولولی
36. که څوک د نوکرۍ په حالت چې حج ورباندې فرض نه وي حج وکړي ايا د اسطاعت نه پس په هغه دوباره حج فرض دی ؟
37. که یوتن په لمانځه کې دوه دري ځلي ساعت ته وګوري ؟
38. ګرانه : هرې خواته تلاش کوه د خير او نيکۍ لارې ډيرې دي
39. ګرانه لوستونکیه : آيا د توبې اراده لرې؟ آیا لدې فرصت څخه ګټه نه اخلې؟