د نوي زږيدلي ماشوم چه څلوېښت ورځی پوره شی ؟

خالد منصور صاحب سلامونه او نیکی هیلی مو اومنی په درنښت یو سوال لرم هیله ده چه راته راشونه اوکړی یو ماشوم چه له مور نه پیدا شی او څلویشت روځی یی پوره شی نو بیا هغه ته څه لازم دی چه حلویشتی یی اوځی

ځواب

بسم الله الرحمن الرحيم

مستحب دا ده چې په اومه ورځ  د ماشوم عقيقه ، د سر د ويښانو خريل وشي او همدارنګه د هغه د پاره نوم وټاکل شی .

جناب نبی کریم صلی الله عليه وسلم فرمايي :  ” كل غلام رهينة بعقيقته تُذبح عنه يوم سابعه ، ويُسمى فيه ويُحلق رأسه ” رواه الترمذي (1522) وأبو داوود (3838) وصححه الألباني في إرواء الغليل (1165) .

د دريو امامانو په نزد مستحب دا ده چې په اومه ورځ د ماشوم عقيقه ، نوم ټاکل او د سر د ويښانو خريل تر سره شي (کفايت المفتي ج ۸ ص ۲۴۹ – درالمحتار کتاب الاضحية ۶ / ۳۳۶ ) .

لجنة الدائمة ليکی : که عقيقه ، او حلق په اومه ورځ تر سره نشي باک نه لري همدارنګه که عقيقه په يوه ورځ او د سر خريل په بله ورځ تر سره شي باک نه لري (لجنة الدايمة ۴۴۳/۱۱ – هیئت کبار علماء عربستان ) .

فتاوي علماء بلدالحرام لیکي : ځنو صحابه کرامو رضی الله عنهم ویلي دي : که په اومه ورځ تر سره نشي نو په څوارلسم ورځ که بيا نشي په يويشتمه ورځ او که هغه ورځ هم له لاسه ووتله هر وخت چې امکان وي دا کار به تر سره کوي يو مياشت وروسته ، څو مياشتې وروسته يو کال وروسته .

خو ځنې علماء په دې معتقد دي چې کله ماشوم د بلوغ سن ته ورسيږي عقيقه ساقطيږي

و الله اعلم

فتاوي علماء بلدالحرام – مکة المکرمة رقم ۳۰۹۵ .

خو د خير په کار کې بيړه په کار ده اکثره وخت په ښه کار کې بيړه نه کول او د نن سبا په هيله پريښودل د شيطان وسوسې وي چې بلاخره د هغه ښه کار فرصت له لاسه وځي .

آن لاين اسلامې لارښود