چی دنوی واده والا کسان چی مسافری یی تر۳میاشتو اضافه شی دوهمی ځل نکاح پری اوړی ایا دا واقعیت لری که نه ؟

محترما : دواده می تقریبا ۹میاشتی کیږی خو دواده څخه ۴میاشتی ورسته ددولت لخواء په یوبرس کی ترکیه هیواد ته راغلم اوس دلته لوړی زدکړی کوم کله چی راتلم دکورنی اومیرمنی څخه می په صحیح ډول اجازه واخیست او داوکی خبریی راسره په خپله خوښه وکړه اوس چی دلته راغلی یم بعضی اشخاص راته وایی چی دنوی واده والا کسان چی مسافری یی تر۳میاشتو اضافه شی دوهمی ځل نکاح پری اوړی ایا دا واقعیت لری که نه ؟ که په تفصیل سره یی ځواب راکړی اوبل زما اوسیدل دلته د۵کلونو لپاره دی او په کال کی ۳میاشتولپاره کورته ځم ایا دلړۍ خو به دمیرمنی پرحق تیری نه وی ؟

ځواب

بسم الله الرحمن الرحيم

د سفر پر مهال د خپلې بی بی سره خوښه او اجازه د مسلمان اخلاقي مسئوليت دی ځکه اسلام د خپلې ښځې سره د ښه سلوک کولو بې حده زيات ټينګار کړی دی

قول الله تعالی : وَعَاشِرُوهُنَّ بِالْمَعْرُوفِ (النساء 19)  ( اوله هغی سره په ښه طريقه ژوند تير کړی ) .

رسول الله صلی الله عليه وسلم  فرمايي : أكمل المؤمنين إيمانا أحسنهم خلقا . وخياركم خياركم لنسائهم  (ترمذي 1162،مشکاة المصابيح 3200) .

ژباړه : د ايمان په اعتبار سره ستاسو کښې کامل ايمان والا هغه څوک دی چه د هغه اخلاق اوخوی ښه وي او تاسی کې بهترين اوغوره هغه دی چه د خپلی ښځی سره يی سلوک ښه وي .

د نر او ښځې يو پر بل باندې حقوق دلته وګورئ

دا چې تاسې ته چا ويلي دي چې تر دريو مياشتو مسافري اضافه شي نکاح له مينځه ځي ، دا د هغوی د خپلې ګيدې خبره ده ، او دا ستر ظلم دی چې څوک له ځانه د دين په امور کې خبرې کوي ، مسلمان ته نه ښايي چې په داسې کومه مسئله کې چې علم و نه لري له ځانه څه ووايي داسې کول حرام دي .

نکاح يوازې په طلاق او ارتداد (مرتد کيدلو ) باندې فسخ او له مينځه ځي او بس او د طلاق اختيار د نارينه سره دی .

د نارينه د پاره جايزه نه ده چې په عادي حالاتو کې تر شپږو مياشتو زيات وخت تير کړي مګر که څه سخت مجبورت وي باک نه لري ، پوره تفصيل دلته وګورئ 

و الله سبحانه و تعالی اعلم

آن لاين اسلامې لارښود