د لمونځ کونکی له مخې تيريدل

مفتی صیب اسلام ع، ورح،وبرکاتہ . یو سو پوختنی لرم اومید دہ چہ جوابونہ یی راکڑی. اول .دمو نز کونکی مخکی تیریدلو کی سومرہ فاصلہ باید سڑی ورکڑی چہ پہ مخ تہ تیریدو یے گناہ گار نشی. ۲ .دمتوفی پہ اعلان جنازہ یا،فاتحہ کی مونگ اکثرہ دمرحوم ،لفظ استعمالوو

نودکوم زاینہ مونگ تہ معلومہ شوہ چہ دامتوفی .مرحوم دھ؟

ځواب

 

بسم الله الرحمن الرحيم

 

 

د لمونځ کونکی له مخې تيريدل ګناه ده که په جومات کې وي او که بل ځای په حديث شريف کې یې په اړه داسې وعيد ذکر شوی دی :

 عن أَبِي جُهَيْمٍ رض قَالَ: قَالَ: رَسُولُ اللَّهِ صلی الله عليه وسلم : «لَوْ يَعْلَمُ الْمَارُّ بَيْنَ يَدَيِ الْمُصَلِّي مَاذَا عَلَيْهِ، لَكَانَ أَنْ يَقِفَ أَرْبَعِينَ خَيْرًا لَهُ مِنْ أَنْ يَمُرَّ بَيْنَ يَدَيْهِ». قَالَ الراوي: لا أَدْرِي أَقَالَ: أَرْبَعِينَ يَوْمًا أَوْ شَهْرًا أَوْ سَنَةً. (بخاري: 510)

ترجمه: ابوجهيم رض روايت کوي چه رسول اكرم ص وفرمايل: څوک چې د لمونځ کونکی له مخې تيريږی ، که پوهيدلای چې دا کار څومره ګناه لري ،تر څلويښتو کلونو به يې توقف کولو مګر د لمونځ کونکی له مخې به نه تيريدلو ، راوي وايي : په ياد مې نه ده چې رسول الله ص وفرمايل چې : څلويښت ورځې ،که مياشتې او که کال .

که د لمونځ کونکی مخې ته کوم شی موجود نه وي بايد د سُتری مخې ته لمونځ وکړي رسول الله صلی الله عليه وسلم فرمايي : اذا صلی احدکم فليصل الی سترة (ابوداود) .

يعنی کله چې له تاسې څوک لمونځ کوي نو د ستره مخې ته یې دې کوي .

ستره هغه شی ته وايي چه لمونځ کونکی هغه خپلې مخې ته ږدي که هغه لرګی وي که بل شی تر څو د لمونځ کونکی له مخې تيريدونکی لمونځ اخلال نه کړي .

 

د ستره احکام :

۱- د ستره لوړوالی يو ګز يا تر هغه زيات وي .

۲- که امام خپلې مخې ته ستره ودروي نو مقتديانو ته ضرور نه ده .

۳- مستحب ده چې لمونځ کونکی ستره لږ څه ښی يا چپ طرف ته ودروي او مخامخ نه وي .

۴- که لوی جومات يا آزاده فضا وي د لمونځ کونکی د پښو نه تر سجدې ځای پورې تيريدل جواز نه لري (شيخ شفيق الرحمن ندوي )، فتاوي المحودي ليکي د سجدې له ځای نه تقريباً يو متر مخکی مسافې نه تير نه شي او دا قول د مرتاشى، صاحب بدائع، فخر الاسلام، صاحب نهايه، فتح، عنايه، او صاحب رد المحتار ترجيح ورکړي . (رد المحتار: 2/398)

 

۵- که کوچنی جومات يا کور وي د لمونځ کونکی له پښو نه د قبلې تر ديوال تيريدل جواز نه لري .

۶- لمونځ بايد بې له ستره داسې ځای ونه شي چې هلته د خلکو تګ راتګ وي .

۷- که د لمونځ کونکی له مخې نه څوک تيريږی بايد د تسبيح په اشاره يا د قرائت د صوت د لوړوالی په واسطه یې منع کړي ، خو دا جايزه نه ده چې په لاس يا خبره یې منع کړي .

 

د دوهمې پوښتنې ځواب