آن لائن دار الافتاء ( هډه وال ويب )‏

هډاوال ويب غواړي چي ستاسي اسلامي اندیښني تقویه کړي. اوستاسومسائل ته د قرآن اوسنت په رڼا کښی جوابونه ورکړې او د سپیڅلي دین اسلام په چوکاټ کښي تاسي ته خوږي قصي ، د زده کړي وړ لیکنی اومضامین ، عام معلومات ، په زړه پوري ټوکي ټکالي او جالبه او ښائسته مطالب وړاندي کړي.. https://www.facebook.com/pashto.islamic.mp3.bayanat

Wednesday, August 29, 2012

د بيګانه ښځو او نجونو سره مينه كول اړيکې ساتل د واده په نیت څه حکم لرې ؟

سلام يو سوال لرم مينه كول جكه دي
جه فه اسلام كي يو جاسره مينه كول جكه دي يعني دنوي زوند كي
خداي مو كامياب كه

جنت كل صاحبزاده

ځواب : په پيل کې بايد ووايم ، چې د يارانې واده يا ازدواج فرهنګ او رواج په اسلام کې نشته ، قرآن کريم نر او ښځه دواړه له داسې کار څخه منعه کړي دي ، او فرمايلي يې دي ( محصنات غير مسافحين) محصنات غير مسافحات و لا متخذات اخدان)يعنې مسلمان داسې ښځې په نکاح کوي، چې پاک لمنې به وي (نارينه او ښځينه) زنا کوونکي به نه وي او نه به پټې يارانې کوي)ډاکټر يوسف قرضاوي د ازدواج او عشق تر عنوان لاندې جالبه خبره کوي او وايي: چې د عشق او عواطفو ستونزه، چې نن سبا د جنسي ناولونو او عشقي فلمونو پايله ده او ډېرى نجونې په دې کې راګېرې دي او بدبختانه ځيني ځوانان هم دغه ډول فريب کاروي.نو مسلمانو نجونو ته مې دا توصيه ده، چې هېڅکله په دغو دوکو وو نه غوليږي او د خپلو پلرونو او ميندو نصائحو ته دې غوږ کيږي،

د بيګانه ښځو او نجونو سره ناوړه مينه كول اړيکې ساتل لوی جرم دی چې بالاخره د زنا د ستر جرم سبب ګرځي .

زنا هغه سرټيټی او فاحش عمل دی چه که خدای جل جلا له مه کړه څوک ور باندې ګرفتار شي نو بيا به په کور کلي او ټولنه کې د ژوند تر پايه عزت تر لاسه نه کړي او هميشه به ذليل او شرمنده وي .

دا فاحش عمل د يوه بل چا په ناموس او عزت تر ټولو بتره فاحش او شرميده تيری بلل کيږي ، چه سختې خطرناکې پايلی لري .

په يو حديث راځي : مَامِن ذَنبٍ بَعدَ الشركِ اَعظَمُ عِندَ اللهِ مِن نُطفَةِ وَ ضَعَهاَ رَجُل فِی رَحَمٍ لاَ يَحِلّ ُ لَهُ ( ابن ابی دنيا )

پس له شرک څخه د الله جل جلا له په نزد بله لويه ګناه نشته تر دی چه يو سړی خپله نطفه د هغه چا په رحم کی تويوی چه ده لره حرام وي .

ورورکه ! د نجونو انډېوالۍ ډير کسان تر کنډوو غوځولي دي دا د دوو ورځو د تی تی ، د کوچې د سر ، د بام د سر ، په تليفون کې عشق بازي زه ستا سره مينه لرم ، زړه مې ستا سره دی او نور …. عشق بازۍ او انډېوالۍ هيڅ ګټه نه لري ، ته به هملته ګرځي هغه به بل ځای واده وي ، ته به د هغې د مجازي نمايشي مينې ملنګ وي هغې به د ځان د پاره بل يار پيدا کړی وي .

دا هسې د شيطان دامونه دي ………..

د خپل مور پلار او پخپله خوښه د يوې نيکې ديندارې ښځې سره واده وکړه ان شاء الله بيا به ددې نمايشي رابطو د پاره هيڅ وخت پيدا نه کړي ، ستا د نکاح د يوې لحظې خوند به د ټول عمر له نا مشروع اړيکه سره برابر نه شي .

ځنې وخت يو بنده ښه پوهيږي چې زه په بد کار کې اخته يم خو شيطان ور ته وايي چې ته اوس توبه مه باسه ځکه ستا د ځواني وخت دی کله چې ستا عمر تير شو بيا توبه و باسه او نيک کارونه شروع کړه ، پام کوه دا د شيطان دسېسې دي چې مه کوه په ګناهونو کې ښه غرق شي ، او په ځوانۍ کې عبادت چې خاص اهميت لري له عبادت او ښه عمل څخه محروم شي .

عمر خو همدا دی چې تېريږي د ښو کولو وخت خو همدا دی چې تېريږي بيا نه دې دينا ته راتګ شته ، نه لمونځونه شته ، نه زکات شته او نه روژه شته ، بيا به بې ځايه افوس ، ژړا او عذابونه وي داسې چې پای به نه لري .

د واده انتخاب :

موږ د پنځلسو افغانيو مڼې ناليدلې نه اخلو.خو د ژوند دا اوږد تړون بيا په پټو سترګو تړو. اسلام چې د فطرت دين دى پدې اړه يې دروازه پرې ايښې. شریعت اجازه ورکړې چې کله څوک ریباری ته ځي نو کولای شي د هغې مخ او دوه لاسونه وویني، آن تر دې چې غوره یې ګڼلې پداسې حالت کې ولیدل شي چې هغه متوجه نه شي ځکه کیدای شي له یوې خوا په سر او صورت لاس ووهي او له بله پلوه که احیانا یې توافق رانشي، چې د کوم لوري عوا‌طف تر پښو لاندې نشی. کله چې پیغمبر صلی الله علیه وسلم خبریږي چې مغیره غواړي واده وکړي نو ورته فرمایی: ورشه هغه وګوره. ځکه دا کار ستاسې تر منځ تفاهم او مینه پیاوړې کوي. (دا حدیث ابن ماجه روایت کړی او البانی صحیح بللی.)

په هغه ټولنه كې چې د ناخوالو نه د خلاصون وروستۍ لار، الله ته ناخوښ روا كار (طلاق) تقريبا په حرام اوښتى، هلته چې تر مرګه په سكروټو ژوند زغمل كيږي… آيا دومره بې غوري د زغملو وړ ده؟ آيا اړينه نده چې پدې اړه د ټولنې ناسم دود مات كړو؟

ته كه واده كوې نو پلار او مور به یې خوښوي. د مور معيار مو غټې سترګې او سپين مخ دى او د پلار بيا د پلرونو او نيكونو ښه نوم. زما مور متل كوي چې “سپينه خو واوره هم ده چې سوزول كوي”. پلار ته يې سلام او د نيكه يې درناوى زما په سترګو، خو دا را ته ووايه چې دا آغلې/ ښاغلى څرنګه اخلاق لري، زماسره په خاورينه خونه كې ژوند تيروي كه نه؟ آيا هغې ارزښتونو ته درناوی كوي چې ما ته مهم دي؟ آيا زما سره په خبره پوهيږي؟

ګرانه وروره ! هيله ده ددې ليک د لوستو سره سم د خپلې ځوانۍ تندی الله جل جلا له ته په ځمکه ولګوې او په رښتنې ډول ثابته کړه چې د چا بنده يې او د څه د پاره پيدا شوې يې .

الله جل جلا له دې زمونږ سره د توبې توفيق درکړي ته چې زمونږ د روازې ته راغلی او خپل غم دې زمونږ سره شريک کړ مونږ به ان شاء الله جل جلا له ستا د پاره دعا وکړو او خپلو اوښکې به تويې کړو .