د کتاب نړيواله ورځ او پښتو کتابونه

د کتاب نړيواله ورځ او پښتو کتابونه

نيټه : ٢٣م  د اپريل ٢٠١٠

نن د اپرېل ۲۳ نيټه ده ، چي د نامتو انګرېز لیکوال ویلیم شیکسپیر د زوکړې ورځ هم ده، او د کتاب نړۍواله ورځ هم ده

نن په ټوله نړۍ کښې دولتونه، لوستونونه، پوهنتونونه او د لوست او پوهنې نور ځایونه او منځي هڅه کوي چي د کتاب په ګټو او ښمر باندي خپل اولس او په تېره زلمی کول پوه کي

په بېلابېلو ځایونو کښې کتاب مېلې لګیږي چرته چي په ډېر وړیا نرخ ډېر ښه ښه کتابونه لوستونکو ته وړاندي کیږي

په دغې پرتمینې ورځ که موږ خپل هیواد او اولس ته وګورو نو نن له یوې خوا زموږ سوګند خوړلی دوښمن لګیا دی په سلګونو ښونځي په بمونو الوزوي او ښونکي او شاګردان یې شهیدانوي نو له بلې خوا موږ په پښتو کښې داسي کتابونه بېخي کم لرو چي زموږ د اولس د لوست تنده ماتولای شي او ځوان کول ته سپنه او اسانه لاره ښودلای شي

په لوی سر کښې په پښتو کښې کتابونه بېخي کم دي. او بیا چي کوم کتابونه شته هم هغه زیاتره د سندرو کتابونه چي زموږ شایران یې د خپل زړه د بړاس ایستلو لپاره وايي. سندریز کتابونه اولسونو هغه وخت لیکل کله چي چاپ او کمپیوټر نه و

نو سندریز پیغام به د لوستونکو لپاره اسان و چي په یاد کښې یې وساتي

د چاپ او کمپیوټر له راتلو وروسته هم زیاتره پښتانه نن هم سندریزې لیکنې کوي ځکه چي دا اسان کار دی

نَسَر لیکل خورا ګران دي ځکه چي لیکوال چي هرڅه لیکي پکار ده چي هم پخپله پرې پوه وي او وکولای شي چي لوستونکی پرې پوه کي

پوهنه که په هرې ژبې کې وي ، په هر وخت کښې چي لیکل شوې وي او که اوس د نړۍ په هبواد کښې وي ، دا د اینسانانو ګډه شتمني ده

د نړۍ او اولسونو تاریخ موږ ته په څرګنده توګه راښيي چي کومو کامونو چي له دغۍ ګډې شتمنۍ څخه د ګټې او ښمر اخیستلو هڅه کړې ده هغه بیا د کامونو په سیالۍ کښې خورا ځلېدلي دي. له دې ګډې شتمنۍ څخه د ګټې اخیستنې یوازینۍ لاره ژباړه ده

د پوهنې خزانې په نړۍ کښې خورې ورې پرتې دي

د کامونو لیکوالان چي له دغې شتمنۍ ګټه نه اخلي د هغوی بېلګه د هغې مور په شان دی چي کمکیان یې له لوږې او تندې مري مګر دا سره له دې چي کور کښې ډوډۍ لري خو دومره هڅه نه کوي چي هغوی ته یې ورکي

پښتنو وروڼو، راځئ چي نن د کتاب په دې نړۍوالې ورځې هوډ وکوو چي هر پښتون لیکوال به کمترکمه په خپل ژوند کښې یو کتاب له نورو ژبو څخه په پښتو ژباړو

منبع :افغان جرګه