د واده په لومړي ګهيځ

د واده په لومړي ګهيځ زوم او ناوې پرېکړه وکړه چې هېچاته به دروازه نه پرانيزي

 
لومړی د زوم مور او پلار راغلل؛ 

خاوند او مېرمنې يو بل ته وکتل؛ خو د پرېکړې پر بنسټ يوه هم ور واز نه کړ. لږ وروسته د ناوې مور او پلار راغلل؛ خاوند او مېرمنې يو بل ته وکتل؛ 

د مېرمنې په سترګو کې اوښکې ټولې شوې وې. وئې ويل: نه شم کولای، مور او پلار مې د وره شاته وي او زه ئې ورته پرانه نيزم. خاوند څه ونه ويل او مېرمنې ور پرانيست

.
کلونه تېر شول؛

الله دوی ته څلور زامن ورکړل او پنځم اولاد ئې لور وه. پلار ډېر خوښ شو او د لور د زېږېدلو په وياړ ئې څو پسونه خيرات کړل او ښې مېلمستياوې ئې ترتيب کړې. خلک حيران شول او د دې کار لامل ئې وپوښت چې ولې ئې د لور زيږون په دومره خوښۍ ولمانځه؟.

 سړي ډېر ساده ځواب ورکړ: ځکه چې دا همغه کس دی چې د وره تر شا به مې نه پريږدي ..