نجلۍ ته له خپل ملګري سره نکاح روا ده که ناروا؟

مولوی محمد امان رسولی

  پوښتنه: 

  نجلۍ ته له خپل ملګري  سره  نکاح  روا ده که ناروا؟

ځواب:

 په پيل کې بايد ووايم ، چې د يارانې واده يا ازدواج فرهنګ او رواج په اسلام کې نشته ، قرآن کريم نر او ښځه دواړه له داسې کار څخه منعه کړي دي ، او فرمايلي يې دي ( محصنات غير مسافحين) محصنات غير مسافحات و لا متخذات اخدان)يعنې مسلمان داسې ښځې په نکاح کوي، چې پاک لمنې به وي (نارينه او ښځينه) زنا کوونکي به نه وي او نه به پټې يارانې کوي)ډاکټر يوسف قرضاوي د ازدواج او عشق تر عنوان لاندې جالبه خبره کوي او وايي: چې د عشق او عواطفو ستونزه، چې نن سبا د جنسي ناولونو او عشقي فلمونو پايله ده او ډېرى نجونې په دې کې راګېرې دي او بدبختانه ځيني ځوانان هم دغه ډول فريب کاروي.نو مسلمانو نجونو ته مې دا توصيه ده، چې هېڅکله په دغو دوکو وو نه غولېږي او د خپلو پلرونو او ميندو نصائحو ته دې غوږ کېږي، ځکه ازدواجي اړيکې يواځې پر عواطفو بنا نه دي.بل لور ته مې اولياؤ ته دا وړانديز دى، چې د خپلو لورګانو، خويندو، زامنو او وروڼو غوښتنې له پامه ونه غورځوي، د هغوى رضايت تر لاسه کړي ځکه تحميلي نکاح سمه هم نه ده او راتلونکې هم نه لري، لکه په الهنديه کې چې راغلي دي ( لا يجوز نکاح احد على بالغة صحيحة العقل من اب او سلطان بغير اذنه بکراً کانت او ثيباً…)نو زما په اند يې نکاح سمه ده خو دا پردى کولتور بايد په اسلامي ټولنه کې رواج نه شي او چارواکي يې بايد جدي مخه ونيسي.

 سرچينې: 

سورة النساء ٢٤ ، ٢٥ديدگاه فقهي معاصر (۱/٥٦٦) دکتور يوسف قرضاوي، ترجمه داکتر احمد نعمتي.الهندية (١/٢٨٧) 

---

سرچينه اصلاح انلاين