موږ ولي تږي کيږو؟
ژباړن : محمدالله وفا
زموږ د بدن له ٥٠- څخه تر ٦٠ سلنې پورې برخه له اوبو څخه تشکيل شوې ده .
کله چي موږ په جسمي فعاليت،کار او يا حتى ساه ايستولو بوخت يو،زموږ بدن
اوبه له لاسه ورکوي . دغه اوبه بايد بيرته تر لاسه شي، د انسان په مغزو کي
يوه نقطه ده چې د تندې مرکز نوميږي نو کله چي د انسان بدن اوبه له لاسه
ورکوي نوموړې نقطه متوجه کيږي او د ستوني حجرو ته کومانده ورکوي ، وروسته
لومړى موږ ته داسې احساس پيدا کيږي چي ګواکې زمونږ ژبه او ستونى وچ شوي
،بيا د تندې احساس کوو .
د يوه بالغ انسان بدن پنځه ٥ ليتره وينه لري چې درې ليتره يې اوبه دي .
پرته له دې چې موږ څومره تږي يو يا مو څومره اوبه څښلي دي؟ په وينه کي د
اوبو اندازه هرومرو ثابته پاته وي . يو بالغ انسان په ورځ کي دوه ليتره
مايعات څښي،چي کيداى شي اوبه ،مشروبات، چاى او نور وي او يو ليتر نور
مايعات له خوړو نه ترلاسه کوو . سابه،هګۍ،غوښه او نور هم د اوبو درلودونکي
دي
.
