زه ازاد افغانستان يم

زه ازاد افغانستان يم

 

Habib Sadi

زه تاريخ لرم ژوندې يم دپښتون دزړه ارمان يم
خپل بچو لره غيرت يم زه ازاد افغانستان يم
****
خيرکه نن مې بيوسي ده رنګ سپيره دغريبي ده
يا بچي مې بی هنر دي د اخو ټوله نا پوهي ده
يا خزان راباندې سم دی بدل پاڼه د ځواني ده
يا نفاق په ما کې ګډ ده ياراګډه ځانځاني ده
****
د انګور په شان به ځوان شم پسرلو سره روان يم
خپل بچو لره غيرت يم زه ازاد افغانستان يم
****
اې بچيانو،يتيمانو،پښتنۍ ،پيغلو، ځوانانو
دتعليم لاره کړئ خپله د معارف د بڼ ګلانو
پرمختګ ته بدلون راوړئ علم پوهه رڼايي ده
ناپوهي لمنه ټول کړئ دعزت او ننګ بچيانو
****
پاڼه واړوئ تاريخ نه زه همزولی د جاپان يم
خپل بچو لره غيرت يم زه ازاد افغانستان يم

****
مټۍ ونغاړئ پرهارته زخمي شوې په ټټر يم
نظر وکړئ ننګرهارته زه ښايسته کابل کنډر يم