سوال
محترم مفتی صاحب !السلام علیکم !
میرا سوال یہ ہے کہ کیانمازجنازہ جوتےیاچپل پہن کر پڑھی جاسکتی ہے ؟
جزاک اللہ
سائل : تفسیرالاسلام
جواب
ضابطہ یہ ہے کہ ہرایک ایسی چیز جس پر ایک طرف نجاست لگنے سے دوسری طرف سرایت نہ کرتی ہواس کی پاک طرف پر (یعنی پہنے بغیراوپرکھڑے ہوکر) نماز پڑھنا جائز ہے۔البتہ اس طرح کا جوتایاچپل پہن کر نمازپڑھنا درست نہیں کیونکہ نمازکی حرکت (ہلنےجلنے) سےچپل یاجوتے کی ناپاک جانب بھی لباس کی طرح حرکت کرے گی جونمازسے مانع ہے اور اگرنیچے سے تلا (سول) بھی پاک ہوتوپہن کر بھی نماز پڑھنا درست ہے۔
فقط واللہ اعلم
دارالافتاء
جامعہ علوم اسلامیہ علامہ بنوری ٹاؤن کراچی
