په روژه کښې خوب کې احتلام وشي
که
څوک په سهوه سره خوراک څښاک وکړي او يا يې
په خوب کې احتلام وشي او يا هر د روژي ماتونکي عمل وکړي خو چې روژه يې
هېره وي نو روژه يې نه ماتيږي.
سفر کې روژه خوړل روا دي خو نيول يې فضيلت لري.
که د يوه سړي
سره د مرګ ويره وي او يا د بل چا له خوا تهديد او زياتوالي پري وشي او يا د
شير خوره ماشوم د مرګ ويره او يا د حمل په وخت کې د ماشوم د ضايع کيدو
ويره وي نو روژه خوړل ورته روا دي خو د مريض لپاره د ډاکتر يا طبيب نظر شرط
دی.
هغه څه چې د غذا په ډول نه دي يا د غذا اطلاق پري نه کيږي دهغه شي په خوړلو تنها قضايي فرض ده نه کفاره. لکه: کاڼي، لوټه او داسي نور
