د قذافي د مرګ په خبر حسني مبارک په چیغو وژړل
Monday, 10.24.2011, 09:32am (GMT)
د روم د « رېپوبلیکه » د ورځپاڼې د ویبپاڼې له راپور سره سم د مصر پر پخواني ولسمشر حسني مبارک د معمرالقذافي د وژل کېدو خبر دومره ژوره اغېزه وکړه چې د ژړا چیغې یې پورته کړې.
د قاهرې د هغه روغتون ډاکتران، چې له واکمنۍ نه ګوښه شوی مبارک پکې تر درملنې لاندې دی، د دغه حالت په لېدلو، له دې وډار شول چې د مصر ۸۳ کلن پخوانی ولسمشر د زیات خپګان تر فشار لاندې د زړه سکته ونه کړي.
ډاکترانو له دې وېرې په ډېره بېړه مبارک ته د بې هوشۍ ستنې ورکړې.
