ماخوستن اذان دهيچا په نزد دوخت څخه مخكې روا نه دى

دماخوستن دلمانځه وخت 

پوښتنه :  په اوسني وخت كې دروژي په مياشت كې زياتره خلك دماخوستن په لمانځه كې ډير تلواركوي په عمومي ډول اته نيمي بجي داور ګاډي له ساعت سره چې سورشفق ختم شوي هم نه وي اذان كيږي اوله نهوبجوڅخه مخكې لمونځ كوي په دې اړه معلومات غواړو آيادماخوستن اذان دوخت څخه مخكې روا دى اوكه نه ؟ داحنافو په مذهب كې دماښام اوماخوستن داذان ترمينځ لږ ترلږه څومره فاصله پريښودل لازم دي ،په كوم ساعت كې چې دماښام اذان كيږي په اوه نيمي بجي كيږي نودماخوستن اذان څه وخت كول په كار دي ؟

ځواب : مثلا كه په (۱۹ ،۲۰ ) دجون لمرپه اوه  بجواواوه ويشتو دقيقوباندې لويږي اودماخوستن وخت دامام ابوحنيفه رحمه الله دقول مطابق په نهه بجواوڅلورو دقيقوباندې وي .نوبيا دلمر پريوتلواوسپين شفق دپريوتلوترمينځ يعني دماخوستن وخت دامام ابوحنيفه رحمه الله په نزديوساعت او اوه ديرش دقيقې دي په يادشويوتاريخونوباندې دنهوبجوڅخه مخكې اذان اولمونځ دامام ابوحنيفه دقول مطابق صحيح نه دي خودصاحبينودقول مطابق صحيح دي اودايي يوقول دامام صاحب هم ليكلى دى ،خوپه شامى كې يي ليكلي دي چې احتياط دادى چې دامام صاحب په قول باندې عمل وكړى شي اودسپين شفق دپريوتلووڅخه مخكې دي دماخوستن لمونځ نه كوي (2) اود      

ماخوستن اذان دهيچا په نزد دوخت څخه مخكې روا نه دى (1) او آخر وخت په يادشوو تاريخونوكې نږدې پاوكم نهه بجې داور ګاډي له ساعت سره برابر دى .

---

(2) فثبت ان قول الامام هوالاصح ومشى عليه فى البحر(ردالمحتاركتاب الصلوة ج۱  ص ۳۳۵ )

(1)  فيعاداذان وقع قبله كالاقامة خلافا للثانى فى الفجر(الدرالمختارعلى هامش ردالمحتار باب الاذان ج ۱ ص ۳۵۸ )