پلار او زوی (له درس ډکه کيسه)

ژباړه: عبدالرزاق حبيبي

سرچينه: آن اسلام.نټ

يو سپين ږيری سړی له خپل 25 کلن زوی سره په ريل ګاډي کې ناست و
له لږ انتظار وروسته رېل ګاډي حرکت وکړ…
ټول مسافر په خپلو چوکيو کې ډېر غلي ناست  او په ريل ګاډي کې خاموشي خپره وه…
ريل ګاډي چې څنګه حرکت پيل کړ نو 25 کلن ځوان هرې خواته په ډېر عجيب او نا اشنا ډول کتل…
دا ځوان هم د کړکۍ تر څنګ ناست و..
يو لاس يې له کړکۍ بهر ووېست تر څو په خپل لاس تازه هوا احساس کړي..
يو دم يې خپل سپين ږيري پلار ته ور غږ کړه “بابا هلته ګوره! ټولنې ونې شاته منډې وهي”..
سپين ږيری سړی د زوی په خبره موسکی شو او په زړه کې ډېر خوشحاله شو…
د ۲۵ کلن ځوان سره تر څنګ يو بل خاوند او مېرمن هم ناست و او د زوی  او پلار خبرو ته يې غوږ نيولی و…
د زوی او پلار تر منځ همداسې خبرې روانې وې او دې دواړو هم ورته په ډېر تعجب سره کتل… د ځوان حرکتونه ورته څه بل ډول ښکارېدل… ځکه ۲۵ کلن ځوان د يو ماشوم په ډول خبرې کولې…
لږ وروسته ځوان بيا پلار ته ور غږ کړ”بابا هلته ګوره! هغه ډنډ، حيوانات، او ورېځې هم له رېل ګاډي سره يو ډول روان دي”
خاوند او مېرمنې بيا هم دې  ځوان ته له شرمه په ډک نظر وکتل …
په دې وخت کې باران پيل شو! او يو څو څاڅکي د ځوان په لاس هم  راتوی شول…
ځوان له خوشحاليو په جامو کې نه ځاييده، سترګې يې پټې کړې.. او پلار ته يې ور غږ کړ” بابا! دا خو باران دی کنه! دا وګوره څاڅکي پر ما هم ولګېدل”
د دوی تر څنګ د ناست مېرمنې او خاوند زړه نور راتنګ شو  او له سپين ږيري سړي څخه يې پوښتنه وکړه:
“بابا! دا زوی دې ولې ډاکټر ته نه بوځې؟ چې درملنه يې وکړي!”
سپين ږيري سړي ورته وويل:
هو بچيه! ته هم ښه وايي همدا نن مونږ هم له ډاکټر څخه را وګرځېدو، زما د زوی د سترګو نظر له پنځه ويشت کلونو وروسته په لومړي ځل کار وکړ او زوی مې بينا شو، نو ځکه ورته هر څه دا ډول عجيب ښکاري…

 سرچينه:اصلاح انلاين