روزے کی حالت میں بیوی کا بوسہ لینے کا حکم

سوال

محترم مفتی صاحب !
السلام علیکم !
مجھے یہ سوال کرنا ہے کہ اگر کوئی آدمی اپنی بیوی کا بوسہ لے اور بیوی کا تھوک اس کے منہ میں چلا جائے تو کیا اس سے روزہ ٹوٹ جاتا ہے اور کیا کفارہ بھی لازمی ہو گا یا صرف قضاکرنی پڑے گی؟ جزاک اللہ
سائل : فرقان

جواب

صورت مسئولہ میں اگر کوئی شخص روزہ کے دوران بیوی کا بوسہ اس طرح لے کہ اس کا تھوک منہ میں آجائے تو اس کاروزہ مکروہ ہوگااور اگر نگل لے گا تو روزہ فاسد ہوجائے گااور قضا اور کفارہ دونوں لازم ہوں گے۔
اگر عمداً نہ نگلے بلکہ بلااختیار حلق میں چلاجائے تو روزہ ٹوٹ جائےگا قضا ہو گی کفارہ نہیں ۔

فقط واللہ اعلم

دارالافتاء

جامعہ علوم اسلامیہ علامہ بنوری ٹاؤن کراچی