ٹیلی فون پر نکاح کرنے کا حکم

سوال

محترم مفتی صاحب !
السلام علیکم !
مفتی صاحب ٹیلیفون پرنکاح کی کیا حیثیت ہے ؟ اورفون پریا موبائل پراگرلائیوکیمرا یا تصویر آرہی ہوپھراس صورت میں نکاح کی کیا حیثیت ہے ؟ جزاک اللہ
سائل :Samz

جواب

نکاح منعقد ہونے کے لئے شرعا یہ ضروری ہے کہ مجلس نکاح میں ایجاب و قبول کرنے والے دو مسلمان مرد یا ایک مرد اور دو عورتوں کی موجودگی اس طور پر ایجاب و قبول کرے کہ یہی دو گواہان ان کی ایجاب و قبول کو سن لیں۔چونکہ ٹیلی فون پر مجلس ایک نہیں ہو تی ہے اگر چہ تصویر آرہی ہو اس لئے نکاح منعقد نہیں ہوگا۔
جواز کی صورت یہ ہے کہ جس مقام پر نکاح ہو رہا ہے، دوسرا اسی جگہ ٹیلی فون پر اپنے لئے کوئی وکیل مقرر کریں پھر وہ وکیل اپنی مؤکل کی طرف سے ایجاب و قبول سرانجام دیں۔

فقط واللہ اعلم

دارالافتاء

جامعہ علوم اسلامیہ علامہ بنوری ٹاؤن کراچی